اخر ليله لنا كانت اسميها ليلة العيد . ليالي العيد تبين من عصاريها . الحقيقه ان العلاقات الي بيننا وبين ضيوفنا صارت قويه . تذكرون الشاب المغربي الي عزمنا في بابا قيو . اتصل علينا وقال لازم اشوفكم . قلنا وين قال فيه سوق السمك وفي نفس الوقت مطاعم شعبيه . اخذنا تكسي لضيوفنا يمشي قدامنا . المكان قريب . شعبي جدا اطلب جميع انواع الماكولات البحريه الي تخطر على بالك . على حساب نور الدين. او عز الدين نسيت اسمه . المهم الحنان الي معي حطت رجل على رجل واكلت لين خلاص ماعاد تقدر تنفس . ونحن على خطاها . دمار هائل في الصحون . وبعدها حبسنا بيبسي ابو قوارير القديم ابو نص اريال . والعوائل المغربيه كذلك دارت بينهم وبين الصحون معارك ضاريه . وبعد العزيمه المعتبره ودانا على فندق السوفتيل . وجلسنا جلسة عربيه فخمه فيه شباب رايقين . كل واحد معه ه وناس تروح وناس جدد يجون
.وجابوا لنا مطرب شعبي اسمه القناوي . يعزف عود والصراحه ان الي كانوا معنا . ملفتين للنضر فكثير من ال الي شفناهم في شهرزاد. والعمبره .كانوا في الليل يختلفون عنهم في النهار . لدرجة ان فيه ضيف شد انتباهي 0 ويوم شفته في السوفتيل طلع عادي جدا جدا. وبعدها فصخنا حذيانا وكنادرنا ورفعنا بنطلوناتنا . وصرنا نمشي على شاطي الفندق . ولاحظت ان الشاب المغربي طاحت سعبولته عند ضيف صديقي لانه ماينلام . بس صديقي مجود ظيفه صح . بعد التمشيه حسينا بتعب ودنا نرتاح . استاذنا من . المغربي . وعزمناه في غرفتا على الساعه 11 . اخذنا اغراض من المرجان مكلفه انواع غاليه. وفواكه ومكسرات . وعلى الفندق بدلنا ملابسنا . ونزلت انا وضيفي لمساج فندق اماديل واستقبلتنا وحده بشوشه وطيبه . وسوينا مساج لنا الاثنين 600 درهم . وخرجنا من المساج . منتعشين . ورجعنا الغرفه ودقيت غرفت صاحبي ولا رد علي . قلت خله يريح . مسكين مااعطا الماكولات البحريه فرصه . شاف شغله من بدري . وبعد وقت اتصل على غرفتي وقال وينكم قلت مريحين في السرير وش تبي قال . متى بتجلسون قلت تعالو . وتجمعنا في غرفتي . وابتدى المشوار . وطلعت السيديات الي في شنطتي محمد عبده . وباقي شلة حسب الله . وبدات الانغام والطرب . لحد ما تصل علينا صاحبنا المغربي . وقال وش رايكم نغير البرنامج نخلي السهره الليله في مخيطو لان فيه فرقه جايين من الصحرا . يسمونهم الصحراويين . من جنوب المغرب واهل اقادير يحبونهم موت . فعرضنا الفكره على بعض طبعا الضيوف . غردوا من الفرحه . دقيت عليه وقلتله موافقين بشرط العزيمه علينا لانه صراحه ماقصر فوافق وعلى موعد السهره ذهبنا واذكر انني دفعت على كل راس 100 درهم . لان نور الدين سبق وان حجز طاوله ولو ماحجز اوانه ماكان معنا مستحيل نحصل مكان اكثر الحظور هوامير مغاربه . ومن اعيان البلد . شفنا الرقص المغربي الصحراوي وكانت اشكال الحاظرين ولبسهم للشراشف الكبيره الطويله والوانها الزاهيه . ملفته للنظر حتى الفرقه لبسهم صحراوي شعبي .ورقصنا معهم انواع الرقصات الشعبيه . وكان وجبه العشا من الماكولات الشعبيه الصحراويه المغربيه . وكانت الموسيقى من النوع الفرفوشي النقازي الحماسي . وزادتنا موسيقاهم شوق على شوق . ماودنا السهره تنتهي . وبعد السهره خرجنا من المرقص . وتفاجنا بمطر غزير جدا . ولكن من النشوه والجو لم يكن بارد كان روعه خرجت ووقفت تحت المطر . ابغى اشجعهم يجون معي لاكنهم تركوني اغرق تحت وابل المطر . وتحركنا الى الفندق وكملنا سهرتنا . وبعد الظهر اتصل علينا . المغربي وقال نويتو السفر ولا بتمددون .قلت لا خلاص راجعين مراكش . ودينا ضيوفنا لموقف الحافلات المشهوره سي تي ام. وجلسنا معهم حتى تحرك الباص وبعدها اخذنا نور الدين الى شقته الصغيره الحلوه فيها شاب مغربي صغير .يخدم عنده في الشقه وعمل لنا اتي مغربي يرد الروح . جميع انواع الاشرطه عنده وعنده غرفة نوم ماودك تطلع منها . ديكور راقي . واضح انه يتردد عليه ضيوف كثير . لاحظت ذلك من زجاجات العطر الي موجوده على التسريحه . تقريبا عمره 25 سنه . قمة الاخلاق والادب . لايمكن يطلع منه كلمه تظيق صدرك. سوف نكمل