المعذره على الاخطاء المطبخيه هههههه ^^ لا تدققون
بعد نومه الين الساعه خمسه صحيت و شاورا و رجعت مره اخرى لي منطقة عين ذياب التي تعتبر من ابرز و اهم الاماكن السياحيه في كازا و اللي ما راحها كانه لم يسافر مطلاقا و كأنه ما زار كازا نهائي نزلت من التاكسي و قعدت امشي شوي و استمتع بالمناظر الجميله و حركه الناس صحيح
وانت مسافر لوحدك تفتقد خوي لكن برضوا هذا الشئ ما اثر علي المهم جاني ولد صغير يقولي تكفى و انا وضعي كذا
ويتيم و ابغى اعيش و المهم حزنت عليه و اعطيته المقسوم و كانت النكبه الكبيره بالنسبه لي خربت علي الطلعه كلها
شوي مشيت لقرب ماكدونالز طلع الولد و راح علم الشله الي مداومين الشفت هذاك اليوم في عين ذياب بدل ما كان
واحد صاروا ثمانيه هههههههههههههههه و حلها يا فرج المهم بدت الاسطوانه و انا اتهرب الين ما لقيت خلاص الا اني
اخش ماكدونالز و طلبت وجبه مع اني ماني جيعان بس ابغى افتك فنصيحه اخويه من الحين فك نفسك من بدري
المهم جلست اراقبهم من الداخل الين يئسوا مدري شافولهم واحد ثانيه نشبوا فيه و خلصت اكل بسرعه و طلعت
و كان هذا الوقت جاني اتصال من شخص عزيز تعرفت عليه من النت و قابلته هناك كان هذا اليوم هو المرشد السياحي حقي بما اني في كرتوني ولا اعرف شئ المهم و قعد يتكلم عن مقهى كوفي قريب من ماادكونالز ببضعه امتار
طلع المقهى هذاك حكايته حكايه و كما اخبرني بانه يسمونه مقهى البلوتوث لكثره عشاق البلوتوث و الميتنق
المهم قلتلها يالله نخشه ابغى اشوف المهم خشيت و كل واحد ماسك جواله و شغل و انواع الابتسامات من هنا و هناك
طلبنا مشروب كوفي و تكينا شوي و كنت اراقب الوضع و ربعنا هناك من نوع 38 فما فوق كل واحد و جواله فيده وعين
في اليمين و عين في الشمال اتابع بصمت و حاولت اتناسى الوضع لان سببلي احراج مع الشخص الي كنت معه
اخر شئ قالي اشوفك صرت تقلب في الجوال ههههههههه قلتله لا بس اشوف واحد مستني يتصل علي وفعلا ما كانت
نيتي شينه هههههههه بس غيري يحتري على باله اني ادوره
بعد ما غابت الشمس و خيم الظلام رجعت الشقه و كملت باقي السهره في البيت و كان كل شئ مرتبه من بدري
بصراح هانا ما زرت باقي مدن المغرب لكن اللي يفهم في كازا مستحيل يروح مكان غيرها لانها مدينه
تجمع كل شعب المغرب بمختلف اطيافه و خليط من الثقافات و ايضا كثره السياح و المقاهي و شاطئها الجميل
اخذت انطباع عن كازا بانها المدينه الاولى حضارياّ و فكريا و اكثر انفتاح عن أي مدينه اخرى
صحيح ان الزحمه مزعجه شوي لكن ايضا هناك جوانب ايجابيه فيها كثيره و راح اتطرق في نهايه
التقرير عن ايجابيات الرحله التي قضيتها في كازا و سلبياتها و اعذروني على ركاكه الاسلوب لاني
كتبت بالعاميه و ايضا من يبحث عن الحريه فأني اراها في كازا بلانكا
اكثر من أي مكان في المغرب كـــــــــــــــازا بأأأأأأأأأأأأأأأأأأألانكا هي واجهت المغرب الحره
يـــــــــتـــــــبع