رد: يوميات للنكت والطرائف والمواقف المضحكة
اتنين صعايدة بيلعبوا شطرنج الملك مات مشلول
-----------------------------------------------------------------------------
محشش ادالو أبوه شريط ديني لقاه تاني يوم متحجب
-----------------------------------------------------------------------------
واحد قال لخطيبتة لما ازمرلك تبقي انزلي قالتله انت جبت عربية قال لها لا جبت زمارة
-----------------------------------------------------------------------------
واحد بخيل ابوه مات فراح يعمل نعى فى الجرنان
فقالهم :أقل حاجه عندكم ايه
قالوا له : سطر واحد خمس كلمات،
قالهم : اكتبوا رزق ينعى والده،
قالوا له : لسه ، فاضل كده كلمتين
قال لهم : و يصلح راديوهات
-----------------------------------------------------------------------------
مرة كان في ماتش بين فريقين حشرات في الشوط الاول في فريق انهزم واحد صفر و الشوط الثاني نزلت أم أربعه و اربعين دخلت 42 هدف
بعد الماتش صحفي بيسأل المدرب اللي فاز : ليه مانزلتش أم أربعه و أربعين من أول الماتش ٌقاله:كانت بتربط الجزمة
-----------------------------------------------------------------------------
مرة واحد سكران بيوقف تاكسي فسأله: فاضي ياسطة فقال له الأسطة: ايوة فاضي فقال له السكران طيب ماتيجي تقعد معايا شوية
-----------------------------------------------------------------------------
راجل قام من النوم علي صوت زعيق سأل الجيران ايه اللي حصل قالو له المياه مسممه
مراته صحيت سألته في ايه؟ قالها:مفيش حاجه إشربي ونامي
-----------------------------------------------------------------------------
مذيعه بتعمل حوار مع واحد فلاح
وكان عنده جاموستين واحده بيضه والثانية سوده
فالمذيعه بتسأله : ياترى بتأكلهم ايه ؟
قالها البيضه ولا السوده ؟ قالتله البيضه .. قالها برسيم
قالتله والسوده ؟ قالها برسيم برضو
قالتله و ياترى بتنيمهم فين ؟
قالها البيضه ولا السوده ؟ قالتله البيضه .. قالها فى الزريبة
قالتله طب والسوده ؟ قالها فى الزريبة برضو
المذيعه قالتله انت ليه بتسألنى البيضه ولا السوده مادام بتعملهم نفس الحاجه زى بعض ؟
قالها لا ابداً أصل البيضه دى بتاعتى
قالتله طب والسوده ؟ قالها بتاعتى برضو
-----------------------------------------------------------------------------
واحده وحشة اوي بتقول لجوزها يا رااااااجل مش تصلح شباك الحمام عشان الجيران مايشوفونيش وانا بستحمى..
قالها خليهم يشوفوكي عشان يصلحوا الشباك على حسابهم
-----------------------------------------------------------------------------
واحدة ست بتقول لجارتها الحقيني يا أم محمد بعت جوزي يجيبلي
ملوخية خبطه أتوبيس ... قالتلها يالهوي وعملتي إيه ...قالتلها عملت بامية وأمري لله
-----------------------------------------------------------------------------
واحد مسطول شاف قطة اخدها البيت لمراته وقالها : شايفة القرد؟؟
قالتله : دى قطة يا منيل قالها : انا بكلم القطة هو حد كلمك
-----------------------------------------------------------------------------
سواق تاكسي صعيدي في الصين كل ما حد يشاورله يقوله العن ابو شكلك منا لسا موصلك
-----------------------------------------------------------------------------
واحد اتصل بمراته قالها حضرى المايه السخنه انا جاى فى الطريق
صاحبه قاله دانت حمش اوى
قاله امال اغسل المواعين بمايه ساقعه
-----------------------------------------------------------------------------
واحد بيقول لصاحبه عيب مراتك تحدفك بالشبشب واحنا قاعدين
قاله بس بزمتك جت فيا
-----------------------------------------------------------------------------
واحد بيقول لصاحبه احنا فى الجنه هيجبولنا ستات اشطه
قاله والستات بتوعنا
قاله هيعذبوا بيهم الكفار