رد: اول سفرية للمعشوقة المغربية
الجـــــزء الرابـــــــع
المسافة كانت 280 كم بين اقادير ومراكش والطريق وعر وجبلي وسيد واحد
المهم وانا في الطريق ويجيني اتصال من الخبير
ويسأل وصلتو ولا مازال قلت : باقي شويا
اهم شي وصاني اني اشتري اغراضي من سوق مرجان لانه مستحيل تدخل أي اغراض بعد ماتسوي ( check in )
في فندق صحارى
المهم وصلنا لاقادير بعد اربع ساعات ونصف
اقادييييير ياقلب العنا اقادييييييير
وش ذنبي انا اقاديييييييييير
من بعد هذا امهلوني دقيقه || ياللي عن اغادير تبغى الحقيقه
من ذاق ماها مابعد فك ريقه || بيموت ماجاه الضمى لو بعد حين
بيموت مايطري له الماء على بال || ولاسال عن عم(ن) ولا سال عن خال
لا سال عن فقر(ن) ولا سال عن مال || ولايحسب الا من حساب السلاطين
هذي اقادير الهنا والسعاده || والطيب والجيره وحسن الوفاده
دار(ن) بها الرجال يبلغ مراده || لو دونه الروس الكبار متحامين
مهما مدحتك يااقادير فلن اوفيك حقك من المدح
ويوم دخلنا اقادير مرورا بحي اينزكان
قلت للسواق على سوق مرجان
الوكاد شرينا جميع مانحتاجه من مفرحات ومكسرات وكولا ومويه وعصيرات
واتذكر اننا حاسبنا ب 2500 درهم
وبعد سوق مرجان سرنا على مكتب المؤيد ونسوي حجز لمدة سبع ليالي , وكان سعر الغرفة الدبل في فندق صحارى
ب 640 درهم
الحاصل وصلنا الفندق على الساعة 8:30 مساء
وعطينا الفوتشر للريسبشن
بصراحة الفندق كلمة اقل من عادي كثيره في حقه
وتعامل الموظفين سيء للغاية
ويوم تشوف النزلاء تقول كنك في الخليج
لكن يصلح للي يدور الازعاج
مالكم بالطويلة حطينا اغراضنا في غرفنا
واتذكر اننا اخذنا غرفتين متجاورتين في الدور الثالث
وبعد كذا طلعنا من الباب الخلفي للفندق على مطعم اسماعيل وتعشينا كبسة نفرين لحم مع الكولا ب 220 درهم
وطلبنا براد اتاي مغربي
عقبها معاد اشوف الدرب
لكن تذكرت ان كلها سبع ايام وانا راجع السعودية
ولاحقييييييييييين على النووووووووووووم
قلت : الخيمة الخيمة ياهملالي
وعلى خيمة صحارى وجوٌها لابأس به
جو طرب من صوت الفنان زكريا ويغني اغاني ابو نورة وطلال مداح وتبدأ من الساعة 8 الى 12 ليلا
وعلى الساعة 1 ليلا نزلنا للعنبرة وهي تحت الفندق
ويغني فيها مجموعة من الفنانين المغاربة
خلينا الوضع طلبات وحاسبنا ب 600 درهم
الزبدة ان جوها مااعجبني والطيور اللي فيها مش قد كذا
وتنتهي على الساعة 3 ليلا
ثم قلت .. للديسكو نبي حث الاقدام || من قبل ماتكثر عبايبد الاصنام
يازينها لاقالوا الربع قدام || وقمنا نتعاوى مثل سحم السراحين
ديسكو شهرزاد او بمعنى اصح ديسكو صحارى
موقعه اسفل الفندق من جهه الباب الرئيسي
وهو حكاية ثانية في المغرب
سوالف وقصص واشعار ومغامرات لاتنتهي
بإختصاااااااار
اساطير قيس وليلى بدأت من هذا الديسكو
ان قلت خيال فهو خيال
وان قلت واقع فهو واقع
دخلنا الديسكو و دفعنا الدخولية
ب 100 درهم لكل شخص مع مشروب مجاني
وبعد ماتعدينا حق التذاكر ولفينا لليسار ونزلنا مع الدرج
قلبي تقطع الفين قطعة
البست مليان للاخر شي خرااااااااااافي
وبيني وبينكم صابني عمى الوان من اللي شفته
المهم تمالكت نفسي
وخويي بغت تجيه جلطة عاطفية
والدي جي ( جيمي ) مخلي العالم مرتفعة
واتذكر ان الاغنية المغربية المشهورة ( سفيني سفيني )
كانت مسيطرة على ديسكو صحارى
وانا اكتب الموضوع احس اني ماني على بعضي
واشتقت للايام الخوالي
الوكاد جت اغنية الفنان راشد الماجد
( مشكلني حبك ياروح الروح مشكلني )
وانا في قمة انسجامي مع الاغنية الا عيني لمحت
طير ملكي سوبر ستار جالس مع صاحبه في الطاولة الملكية
ان قلت عذاب فهي قليله في حقه
جمال و ذوق واناقة وهيبة وشموخ
وتنطبق عليها اغنية ميحد حمد القمة من ساسها لراسها
قمة على قمة وذوقه قمّة # وذوق وجمال وغرةٍ وهاجة
طرفٍ كحيل وفي رموشه سمّه # والعود يسقي داجه وديباجه
خصرٍعلى كسرة عليها ضمّة # وفتحة على حد السكون تواجه
دمّه على دمي ودمي دمّه # هوا الدوى وانا طبيب علاجه
ياسيد مغرور الجمال وعمّه # ياتاج راس الحسن زيد احراجه
بيني وبينكم
الطير الملكي في كفّه وباقي الطيور في كفّه
لكن مافي اليد حيلة
واروح البار واحطّ حيلي في العصيرات ... كاس يتبع كاس
ومادريت الا صاحبي يوم جاني ومعه طير عيونه كحلا ودمه عسل وشافني طير صاحبي ضايق وقال لي : عش جوّك
قلت : جوي غييييييييير
المهم وأشر لطير صاحبي الهدف اللي ودي اصيده
فرد علي قائلا : تراه شايف نفسه
قلت : يحق له
وعلمني اسمه ( ش....)
مزاعيط 2005-2006-2007 اكيد يعرفونه
اللي صار قالي طير صاحبي بجيبلك احلى طير
قلت : مايرد الكريم الاّ اللئيم
وجابلي طير لابأس به
يمكن عشاني بعد ماشفت الملكي صرت معاد اشوف غيره
مالكم بالطويلة
ونطلع من الديسكو على الساعة 6 وعلى غرفنا
وماكان لي نفس نطول في السهرة
خصوصا لما شفت خويي عايش جو الحنحنه
نمت تقريبا على الساعة 7 صباحا وصحيت على 2 ظهرا
واخذ لي ( shower ) وادق على غرفة خويي
مافيه فايدة
صرفت الطير اللي معي وثم تليتها على شاطي اللاكوط
افضل شاطي في المغرب المعشوووووووق
الجو عليل ونسمات البحر ولااروع والسماء مبلّدة بالغيوم
واستلم الكورنيش رايح جاي ولاحسّيت بالتعب ولا بالارهاق
لوني بجدة او الدمام كان من 50 متر وانا على وجهي
عقبها رحت لمقهى ( ليل ونهار ) المطل على البحر واطلب كوب كابتشينو ب 10 دراهم وطلبت ثاني وثالث
الين ماتعدّل المزاااج
قبل مااطلع من cafe دق علي خويي
واتشرّه عليه شوي
الزبدة قلت جهز حالك نبي نتغدا في شواية النهضة
مرّيته في الفندق وطلعنا من الباب الرئيسي واقرب طاكسي
واتفقت معه على 30 درهم وازودكم من الشعر بيت
سائق التاكسي مسوّي حاله زعلان ويقول : ضحكت عليّا
وانا مصدق الفلم طلع انا المضحوك علي
المهم طلبنا 1/2 كم طاجين لحم و 1/2كم لحم مشوي و2 كولا
ب 130 درهم
لكن عليهم طاجين تاكل يدينك وراه
عقب الغدا اخذنا تاكسي و قلت للسواق : كم الحساب
قال لي : على العداد قلت : وهو كذلك
وانا اقول في نفسي عسى مايزرفني
المفاجأة ان الحساب طلع 12درهم ؟؟؟؟؟
وعطيته 30 درهم اسوة باللي قبله وبالقوّة اخذها
ودريت ان السائق قمة في الاحترام والتعامل
واخذت رقمه وكان اسمه ( حسن )
المهم رجعنا الى اللاكوووووووووط
وانا اشوف لو تجي اقادير وتاخذلك جولة على الكورنيش
وترجع لبلادك .. اتوقع منت متحسّف
رحنا للمارينا الى مقهى دولتشي واحلى قهوة واروع روقان
على الساعة 9 مساء اتجهنا للفندق وبالتحديد الى خيمة صحارى وكانت عاااااامرة بزااااف وماتلقى ماطى رجل
وتشوف طير يناظرك وطير يتغلّى وطير يبتسم
وانا خاطري في الطير الملكي
اشوفك كل يوم وارووووووح عشان نظرة ترد الروووووح
الحاصل شلته من بالي وقلت الجود من الماجود
بعدها تعشينا في الماكدونالدز وسعر الوجبة 50 درهم
يوم جت الساعة 12 ليلا اتجهنا الى الكازار
طلبنا طاولة مع العصير ب 1200 درهم
وهو مرقص رايق جدا وجوّه خيالي يقع اسفل فندق اماديل
الفنانين اللي فيه يطيّرون امّ الجو لين ماتشوف الواحد اثنين
لدرجة من الرؤية الضبابية اللي كنت فيها رقص معي طير
واقول في نفسي : يمون هذا ولاّ وش يحسّ فيه
تدرون من طلع ... اللي كان معي البارح
هههههه عادي تحصل في جميع ....
الحاصل طلعنا على الساعة 3 وعلى ديسكو صحارى
حزتها باقي مابدى وانصى ( فيلالي ) طيب الذكر
قلت ابي الطاولة اللي جنب الملكية قال لي : محجوزة
و لكين كاين طاولات زوينات
وادف له 200 درهم قلت : ماابي الاّ هذي الطاولة
انبسط فيل الارض وقال لي : صاااااافي
وكان سعرها 1300 درهم
واعد الثواني واحسب الدقائق وبدا الديسكو بمجموعة من الاغاني الغربية
وجت الساعة 4 والطاولة الملكية مازالت فاضية
قال لي خويّي: الطير بداله الف طير
لكن الوناسة والفلة ماهي دائمة انبسط ياعم
عاد انا اذن من طين واذن من عجين
برهه من الزمن ويجيني خويّي قانص له طير فلاّوي
ماشاءالله عليه مايدقق مثلي وعايش جو ملوووك
اخذت لي فرّه على الديسكو وجميع الاذواق متاحة لكن مزااااجي صعب
ناظرت في البست واشوف واحد فاتح (شمبانيا) على احد الطيور
يوم دققت ... طلع على ( الطير الملكي )
انا اشهد انّي رحت فيها
المهم جلس الطير الملكي حدا طاولتنا في الطاولة الملكية
وانا عين عليه وعين على البست
وكل ماحطّ عينه بعيني احاول اصدّ عنه لكن مافي اليد حيلة ونظراته سهام قطّعت قلبي
نظرة توديني .. ونظرة تجيبني
............
انا قلبي معذّب في هواك يازين وانت دوم شايفني
...........
وعلى ذي الحالة لين لاحظ الطير انّي خاقّ معه
وقام يتغلاّ ...
وعلى قولة المثل ... من تغلاّ يخلاّ
واكتشفت انّي انفخ في قربة مشقوقة
لذا صرفت النظر عنه
شفت الوضع كذا .. عرفت انّ اليوم ماهو بيومي
شطفت الدي جي ( جيمي ) واطلب منه اغنية اصالة
روّح وروح ابعد بدنياك ... يامتعب القلب بصدّك
واجي اتشطّح على البست مايقصّ راسي سيفين
لين ماطاح اللّي براسي
قبل لاينتهي الديسكو بنصف ساعة والمح لي طير واقف على طرف البست اشقر على اشقر مثل مالحر الاشقر
وكل ماشفته عطاني ابتسامة كنها تسوى الدنيا ومافيها
قلت هذي فرصتي وقنصته قبل لاتطير الطيور بارزاقها
المهم جاء على جوّي
ونطلع من الديسكو وعلى الغرفة
ونفلها انا وخويي مع الطيورآخر فلّة
ومانمنا غير الساعة 11 صباحا
صحيت الساعة 6 مساء وصرفت الطيراللي معي واتلّها على مطعم اسماعيل ونتغدا وبعدها طلبنا براد شاي مغربي
بعد كذا اخذناها كعابي للكورنيش
من المارينا مايردنا غير ماكدونالدز اللي عالبحر
رايحين جايين
ويلفت انتباهي طير مع طير اخر
عليه علامات البراءة
قلت لخويي : وش رايك فيه
رد علي : كلام كليم
قلت : لكن شوف المغاربة محوّطين المكان
قال لي : نعنبو حيّك تراها متساويه معي
وانا اعرف خويي بايعها بقرش
قلت : لا لا هدّ اللعب
و انا انواع التميلح والابتسامات
لين حانت الفرصة المناسبة يوم اقتربنا من المارينا
واخش في عينه
وقلت له : كي دايرا لا باس يالزوينه
رد علي برد احلى من العسل : بيخييييير
وسألني : انتا خليجي
قلت : الكتاب واضح من عنوانه
المهم اخذت رقم جواله وقال لي الوعد العاشرة مساء
قلت : وااااخا
وامشي انا وخويى ونتعشى في المرسى (مطعم العيون)
سمك وروبيان ونحاسب ب 400 درهم
ورجعنا للفندق لانتظار الضيف الراقي
المهم جاني على الساعة 10 ونصف
ونبدا الحفلة من بدري
الا والله مواريها مش ولا بد
واقول في نفسي عسى الليلة تعدّي على خير
عاد انا مالي نفس لا في العنبرة ولا الكازار
وماصدقت ان وقت الديسكو بدا وقلت له بتخاويني
قال : رجلي على رجلك
والله النشبة
الحاصل اني حاولت اعيش جوي
مرة اشطح معه ومرة اضحك مع احد الطيور ومرة اصيّد
ومرات اكحل في الطير الملكي
مع محاولاتي المستميته لتناسيه
لكن مافي اليد حيلة
على نهاية الديسكو طلعنا للغرف
وبيني وبينكم ادوّر الزلة عليه
لان ستاندره اقل من المستوى المطلوب
من جميع النواحي
المهم جت منّه ومشى على الساعة 10 صباحا
وارتاح بالي من يوم راح
وانام نومه مريحة لين الساعة 4 مساء واصحي صاحبي
وعقب ماروّقنا
كلمت ( حسن ) وقلت : نبي جولة على اقادير
الزبدة الرجال ماقصّر ودانا لسوق الاحد وبعدها على القصبة
ومن ثم سوينا حمام مغربي في حمام ( ملك ) ب 450 درهم للشخص واخيرا تعشينا في قولدن قيت ب 400 درهم
جينا الفندق على الساعة 11 مساء
وطرى على بالي الطير الاشقر واتصل عليه
قلت : وش وضعك الليلة
قام يعاتب شوي عطيته جوّه .. من حق المحبين
لين قال بجيكم على العنبرة
قلت له : مرحبا بيك
المهم جاني في العنبرة وسهرنا سهرة حلوة واروع استهبال
عليه خبال لو توزعه على طيور المغرب كان كفاااهم
ويقلع بي اقوى اقلاع في الديسكو
لبّى قلبه
يكفيكم انّا اخذنا طاولة ومن يوم جينا الديسكو
لين مشينا ما جلسنا فيها
وعلى دقة الساعة 5:30 مشينا الغرفة
وطيري شعلل الجو في السهرة
وبصريح العبارة الطير كشكل مقبول الى حدٍ ما
لكن ادائه العملي ممتاز جداً
وهو ماشجعني اخليه معي الى اخر السفرة
ويوم شفت الوضع بيطوّل : قلت اليوم مباراة النصر والهلال
وخصنا ننعسو بكري
وصحيت على الساعة 3 عصرا متجهز للمباراة من بدري
ولابس تي شي النصر والشال الاصفر
الطامّة ان طيري اعلن العصيان المبكر
وادعى تشيجعه للهلال لكن بالقوّة الجبرية
ارتدى شعار العالمي
وانزل انا وصاحبي وطيورنا على مطعم اسماعيل
وندق في الكبسة لين طلعت من اذانينا
المهم قبل لاتبدا المباراة بدقائق
ويمتلي المطعم عن بكرة ابيه تقول كنا في احد
كافيهات الرياض
بدأت المباراة ويجيب ياسر الهدف الاول
ويرتفع ضغطي وماأمداه يهدأ شوي
الاّ ضياء هارون يجيب التعادل من قذيفة لا تصد ولاتردّ
ثم احرز التايب الهدف الثاني للهلال
وقبل نهاية المباراة ويسجل طلال المشعل هدف التعادل
لكن الغاه حكم الراية الاحول ( الكابلي )
عاد انا وقتها قفلت ام الاخلاق وخربت النفسية
لكن تذكرّت انّي في المغرب
وقلت انا جاي افلّها ما جيت اكدر مزاجي
بلا كورة بلا وجع راس
ونرجع للفندق على الساعة 7 مساء
واقابل في الرسبشن واحد من الزكرت ( اخو صديقي )
توّه واصل اقادير
صراحة تفاجأت يوم شفته لكن صدق من قال اقادير صغيرة
لدرجة انّك تشوف ناس لك عنهم سنييييين
واعزمه في غرفتي
وقال برتب اغراضي وبجيكم
بدينا الاحتفالية في وقت مبكر جداً
اخو صديقي وخويّه كانو خجلانين في البداية
وانا مخليهم على راحتهم
ويوم ارتفع الجو .. دخلو على الخطّ بدون سابق انذار
خصوصا ان طيري الاشقر عامل عمايله
ونقلبها هيصة ولا في الخياااال
وقالوها المزاعيط / الايام الحلوة ماتزين الاّ في تواليها
المهم قبل لا تجي الساعة 12 ليلا
قلت للزكرت وش رايكم السهرة في الكازااار
قالو: حنا معك وين مابغيت
نزلت صرفت مانحتاجه من فلوس حتى نهاية السفرة
حركنا للكازار وطلبنا طاولة في مكان مميّز
وبيني وبينكم الرؤية كانت معدومة عندي تماما
لكن البركة في خوياي وطيري موجود
يعني ماني في حاجة قنص .. ولاّ كان جبت العيد
الزبدة انبسطو الشباب على الكازار وجوّه الخرافي
واخو صديقي ثاني مرة يجي المغرب
لكن خوّيه سنة اولى زعطة وقام يتحسف على السنين اللي قضاها في سوريا
وقلت له : تراك ماشفت شي .. قدامك الفلّه في الديسكو
والكازار نقطة من بحر الديسكو
رجعنا للفندق على الساعة 3 صباحا
وقلت للشباب احجزولنا طاولة لكن خلوها بعيد عن الطاولة الملكية .. ماودّي تمسك معي غلطّ .. هههههه
رحت للغرفة وريّحت شوي
وبغيت انعس و الطيرديالي ماعنده مانع نكنسل الديسكو
لكن قلت في نفسي : الشباب توّهم جايين وانا كلّها ليلتين
وانا راجع السعودية .. لاحقين على الراحة
وافز من السرير وماردّني غير باب الديسكو
المهم جيت الشباب في الطاولة الاّ كل واحد ومعه طير
وكانت الاختيارات موفقة
ونقلبها احلى زحفان في بست الديسكو
على اغاني ( ياسلامي عليكم يالسعودية )
( يادار لاهنتي ولا هان راعيك ) و ( ياعلاّيه )
كنها ثلاث دقايق من يوم دخلت الديسكو لين قال فيلالي :
سيروا سيروا الديسكو سالى
وانقز لفيل الارض ( فيلالي) هههههه
اشهد انّه حبووووب لكن لازم يجمركك
واطلب ( over time) ببطل شمبانيا ب 1300درهم
وفي غمضة عين خلصت الاغنيتين
ولو فيه مجال كان طلبت ( over time) ثاني
رحنا للغرف وانا معاد فيني ولا قطرة
والشباب مثلي طافييين
الزبدة سهرنا في الغرفة ديالي ابو ساعة زمان
لين مشو الشباب
صحيت على الساعة 4 مساء وقعدت ادوّر على بطايق الصراف( بطاقتي وبطاقة خوييّ ) واصحي طيري يدوّر معي
لكن بلا جدوى
واصحي خوييّ واعلمه بالسالفة
لكن مالقينا تا حاجة
قعدت اهوجس وين حطيتها
المشكلة اننا نحتاج الى 3000 درهم لانهاء جميع حساباتنا
قبل المغادرة
من حسن الحظ كان عندي بطاقة صراف من بنك اخر
لكنها صفر الرصيد
واتصل على واحد من الشباب في السعودية واعلمه بالموضوع
ويرسل لي في وقتها 1500 ريال مايعادل 3600درهم
هذي الاخوّة ولاّ بلاش
المهم صحو الشباب الاخرين وطلعنا للمطعم الهندي ( اوسيانا)
وتعشينا مشويات وحاسبنا ب 480 درهم
ونطلع من المطعم وعلى الكورنيش سرداد .. مرداد
وتمسكني الافكار والهواجيس
مرة افكر في سهرة اخر ليلة .. ومرة افكر في الرجوع للسعودية .. ومرة ياخذني هاجوس العودة للمغرب مرة اخرى
الحاصل وصلنا الفندق على الساعة 8 مساء
واروح ارتب اغراضي واخلص جميع الحسابات المتعلقة بالفندق
واكلم الشباب ونزلنا للخيمة
وكان زكريا طربان على الآخر
لكن كنت روح بلا احساس حيث انّ علامات الحسرة واضحة
على وجهي مع محاولاتي اصطناع الوناسة
لخاطر عيون الشباب
كم انت غريب يالمغرب ؟؟؟؟؟؟
حتى والناس بتغادرك .. غصب يتحسرون عليك
وبعد كذا سهرنا في العنبرة وبعدها للديسكو
بلا مزاج ولا روقان
ماطوّلت في الديسكو ووادعت الشباب
و رجعت للغرفة وخليتها ساعة ختامية رومنسية مع انّ الجو مايساعد
يوم جت الساعة 8 صباحا حانت ساعة الصفر
وادعت الطير الاشقر وداعا حاراً
( ولاني قايل الدموووع نزلت؟؟)
المهم حركنا لمطار المسيرة
ومن اقادير الى كازا
وعلى الساعة 2 ظهرا اقلعت الطائرة من
كازا الى دبي
وعاد محاكيكم نفسه في راس خشمه
تذكرت اللحظات الحلوة كيف مشت بسرعة البرق
وتجيني حسرة وألم على ضيقة
وحطيت راسي ماصحيت الاّ في مطار دبي
من المطار على طول على شارع القصيص واخذنا شقة
الزبدة نمت نومة مسكته حتى الساعة 1 ظهرا
ومن ثم حركنا لمطار دبي
ووصلت طائرتنا الى مطارالملك خالد الدولي
في يوم الخميس تمام الساعة 6 مساء
ومن يوم جيت وحالتي النفسية سيئة
ومالي خاطر في الدوام
وحبيت مزاعيط المغرب اكثر من قبل
وماعاد اسمع الاّ الاغاني اللي سمعتها في المغرب
وقناتي المفضلة هي المغربية الاولى و دوزيم
وقاعد افكر في السفرية القادمة
وكانت بالفعل بعد اربعة اشهر من السفرية الاولى
وكانت هذي سفريتي الاولى للمغرب في شهر 11 / 2006
من طقطق الى السلام عليكم
واعــــــذروني عــلى الإطــــالة
ودمــــتم بــــــود
التعديل الأخير تم بواسطة مزعوط بذوق ; 2011-04-14 الساعة 07:22 PM