اقتباس:
المشاركة الأصلية كتبت بواسطة شيرطلوى
مرحبا
الموضوع من عنوانه بس خلوني اوضح الاول علشان ما القى احط طاب علي اول شي هل كازا فكوك بتشديد الكاف
اقول لكم وش اقصد.
كازا حلوه والاماكن الي فيه خطيره والسهرات كثيره ومتنوعه وترضي كل جو وطيوره مخلط من كل صوب بالمغرب لكن وركزو لي هنا على ذي اللاكن من اوجه الفكوك ما يلي :
1)الدرك ومشاكلهم وانت طالع من السهره حتى لو انك لحالك يبثرونك ( والناس هنا تختلف بطريقة التعاطي مع الموقف فيه ناس ما تعكر جوه هل ربع ساعه او عشر دقايق ال قعد فيها مع الدرك وفيه ناس مثلي تقفل معه وخصوصا اني وانا متقهوي اكره افكر )
2) الشخاذين الي ما يتصرفون ابد ابد ابد والي امنيتهم انك تتمشكل معهم ويقعدون يلعبون بعصابك حتى تنفجر
3)قصر الصوت هذي مليت وانا اسمعها بس قل هذي مب بس بكازا لحالها ميخالف بس بكازا التشديد عليها اكثر
4) الزحمه الي تضيق الصدر مررررررره طالعين من زحمة الرياض ونلقى زحمه مالها حيله
5) بصراحه احس شعب كازا وهلها اتكلم عن الشباب اجلف من غيرهم بباقي المدن واستفزازيين وودوهم يطلعون القرش من عينك
اخيرا انا ما نزلت الموضوع بس للانتقاد لحد يفكر كذا انا كتبته ابشوف طريقة تعاملكم مع الاشياء الي ذكرتها يمكن احد عنده حل ل ذي الامور وخصوصا رقم 2 ابي حل لها هي ورقم 1 بعد ومع هالامور ستضل لها مكانه غاليه ذا الديره بقلبي لو مابها الا البلاك يكفي
تحياتي لك طير شلوى
1- بخصوص الدرك ==> الله ياخذهم
طرارين بدل ما تكون مهنتهم المحافظة على الامن والامان مشوهين سمعة البلد مع انه لي موقف واحد معاهم واهو لما كنا طالعين من السيزار ولا كان معنا احد وقفونا وحاولوا يشحتوا بكل ما اوتوا من حيل لكن قلت لهم حاولوا لحد الصبح ولما تخلصوا علموني عشان ابروح ارقد وقلت لهم حتى ما راح اتكلم ولا كلمة واعلى مافخيلكم اركبوه
وللا عاد سوالفهم في المطار والاستهبال اللي ما له داعي بس انا عالعادة يكون معايا رجل مغربي ولمن يشوفون وياك مغربي يخافون لانهم جبناء اصلا بس مثل ما قالوا الربع اذا امورك هانية وما مسوي جريمة ولا شايل ممنوع توكل على الله وطنش ولا كنك تعرف شو يبغون
2 -الشحاتين==> ياني اكرههم يارجل - يلتصقون فيك كانهم ذباب
والله يكرهونك فعيشتك بس الحل انك اطنش.. الواحد ما ناقصه مصاريف لمن يكون مسافر وفعين ذياب يكثرون .. اللي مسكين واللي يبوسك واللي يبع لك لبان
3- سالفة قصر الصوت انا اكثر شي زاعجني ، وانا من طبعي يارجل ما اعلي صوت المسجل لدرجة الصخب لكن طقت روحي كل ساعة وحين خفضوا صوت المسجل حتى واهو مب عالي بس بامكانك تكبر ميزانيتك وتطلع تسهر برا مثل ما سويت انا وفك نفسك من صداعهم
4- الزحمة ياخوك ولا شفتها بالصراحة ، عادية وطبيعية ، بس اللي يبط الكبد طريقة قيادتهم الجنونية والله اني ولا جا فخاطري اسوق بروحي
5- بخصوص شباب كازا ما قد تعاملت معاهم لكن توقعي لانهم من اطياف مختلفة وهمهم كسب لقمة العيش فعاد اهو يحاول يحتال منك وتشوف العالم تشوف عليك بس انا اقولك طنش ولا تشوف على اي حد واحطاط لجيبك واغراضك الشخصية
وبعدين ياحبيبي انتقد واذكر السلبيات على راحتك المنتدى هذا للراي والراي الاخر وانت لو ماتحب كازا وتبيها تتغير ما كنت تكلمت عن هالنقاط
تقبل مروري
__________________
lllllllllllllllllllllllllllllllllllllllllllllll
lllllllllllllllllllllllllllllllllllllllllllllll
lllllllllllllllllllllllllllllllllllllllllllllll
lllllllllllllllllllllllllllllllllllllllllllllll