رد: مقــطـع مؤثر + تعليقـ
اقتباس:
المشاركة الأصلية كتبت بواسطة مغربية مغتربة
الاقتراب من الله يضمن لك حياة زوينة وسعيدة
حبي القديم اخيرا درتي شي حاجة زوينة
ماكاين ما حسن من الحلال الله يهدي الجميع
الاسلام ليس بالمظهر فيه بزاف دالناس مسلمين عزيز عليهم الاسلام واي كلام سيء عن الاسلام يستفزهم وتلقايهم يدافعو بكل قوة على هاد الدين
ولكن الكثير من هاد الناس للاسف ماتيقدمو صورة زوينة عن هاد الدين تلقايهم السباقين ديما للحرام الله يهدي ماخلق
العام الي فات كنت فهولندا وكاينة تما صديقة قريبة زوجي هولندية اعتنقت الاسلام
المهم مرة عرضت عليها للدار عندنا والهولندية قالت ليها بغيت نتعلم الصلاة
اوى داتها قريبة زوجي علمتها الوضوء وهكذا وكان وقت صلاة الضهر
قلنا نصلي جماعة وهكذا تا هي ناضت تصلي معانا دارت حجابها
وبدينا نصليو اوى شوية واحد البرهوش من اقارب زوجي ملي كنا في السجود اخذ كاس ديال الماء ورش به عمتو هي الامام زعما هههههههه
وحنا لي فاللور الشيطان الله ينعلو ضحكنا وبقينا كنحبسو الضحك
اوى المسلمة الجديدة مسكينة ملي سمعتنا كنحبسو الضحك هي يحسب ليها كنبكيو من الخشوع هههههههه
وهي مسكينة بدات تبكي تبكي تا كملنا الصلاة
وهي تسول صديقتها قالت ليها بقى فيا الحال بزااااااف ملي نتوما كتبكيو قلت هم عندهم الزهر كيفهمو داكشي علاش كيبكيو من الخشوع وانا لا قالت تا انا بكيت على حالي
اوى وزدنا فالضحك ملي ترجمت لينا قريبة زوجي كلامها قلت ليها يابنتي راه ماكنبكيو راه كنضحكو ههههههه الله يهدينا وصافي
المهم الي بغيت نقولو انو الواحد يحاول يبين صورة زوينة على هاد الدين الي هو دين زوين اصلا
ويحاول يصلح راسو ويعر ويتاكد من هاد المقولة كما تدين تدان
والي كيزني فبنات الناس بالفلوس راه غيجيه رد الدين من اهلو وفااااااااااابور
يختي سبحان الله هاذوك الناس منين كيدخلو للاسلام كيكونو اصدق من بزااف
حيت راه كثار اللي مسلمين غي بالوراثة غي حيت باه مسلم حتى هو مسلم وفينك يا اخلاق الاسلام
ايوا الله يسمحلينا جميعا اللى ما مقفرها بزاف مقفرها شوية هههه
والله يهدي مخلق هذا ما نقول
وكمان تدين تدان دكشي اللي يدار فولاد الناس تيدار فولادك وصافي
مرسي على المرور والقصه قولبتو البنت مسكينة اتريكة المروك هههههههه
__________________
.
الوقت الذي تستمتع باضاعته ، ليس وقتا ضائعا