رد: حقائق عزومة مغربية مغتربة للمزاعيط
اوكي نتا بعدا اش دخلك للكوزينة كلها عيالات
من يومي كنعرف ان الكوزينة للعيالات فقط ومالك داخل شبوقات الطاجين والكاميلا
بقى ليك غير تحزم الطابليا وتشد تقطاع الخضرة لميمي
ونتي يا ختي ياقوت صدمت منك بزاااااااااااف لالالالالالالا ماتوقعت ابدا ابدا انك توقفي معهم
فينك اخويا البوقوس الغزيول الظريف الدريوش الزوين الاصيل الله اسم على مسمى والباقي كلو خص بنتو على حقيقتكم
غدا نمشي ليكم وقلبو علو من تلصقو التهم ديالكم
لو شي حد اخر اطلق هاد الاشاعة يمكن نصدقو لكن تطلقها ميمي هدشي مايصدقو غير الاغبياء لان ميمي هي طباخة المنتدى
وانا عندي ادلة ان هدشي كلو فعايلها
سمحي لي اميمي انا ماكنت بغيت نقول والو تسنيتك تتوبي وتعتذري بالحق طال انتظاري وانتي يحسب ليك غنضحي بسمعتي من اجل سواد عيونك
القصة ومافيها هي انو في يوم حصل الاتي
قالت ميمي لمصطي راه مابقاش الدجاج فالكوزينة ماعرفت اش ندير ليكم للغذا قال ليها صافي غير وجدي الشلاطة على مانجيبو
مشى جاب الدجاج اوى وهي ترميه فالفران بلا حتى ماتنقيه سمحي لي ضروري نعاود الحقيقة كلها
المهم رماتو فالفران حيت كانت مزروبة بدا مسلسلها حريم الشيطان ولا ماعرفت شنو
وطلقت للغاز 280 درجة اوى وكتعرفو ميمي غير كي تنساجم كتنسى راسها
انا كنت فالاستراحة مابيا ماعليا شميت ريحة الحريق جاية من الكوزينة جيت نجري لقيت الفران شوية ويتفرقع وميمي فعالم اخر ماشمات والو
المهم انا طفيت للفران وعيطت لميمي جات تجري وهي تضرب راسها اويلي اويلي ويلالالاه اش ندير دبا الى مشاو عرفو راه غيحيدو ليا سوارت الكوزينة
وانا بقات فيا مشيت صيفت داك قليل الحيا ديال اوكي الي نكرني وجاب لينا دجاج اخر ودرناه بالزربة والحمد لله طاب فالوقت وتغداو مريضنا ماعندو باس
ولكن تيقولو مادير حسنة مايترى باس
انا كان يحسب ليا ميمي رمات داك الدجاج للزبل ولكن هيهات يا مغتربة ربي قال ان كيدهن عظيم احتفظت بالدجاج وبيني وبينكم ماكانش كحل بزاف هكدا لا هي كان فراسها خطة باش ترميني كيت
خداتو وصبغاتو بالكحل وطلقت عليا اشاعة علاش الله اعلم
اشنو درت ليها الله اعلم
ودبا سمحو ليا طولت عليكم ولكن كان ضروري نعاود ليكم كلشي وانتم احرار تصدقو ولا لا
ومن هاد المنبر يا ميمي انهي كل علاقاتي بك
خرجي من حياتي الخاينة خدي ورداتك وهدياك وكل حاجة انا مابقيت باغة نشوفك مازال صافي
خاينة وماعاد نصافيك يالي خاب ظني فيك لازم من بالي نمحيك يالغذارة
ومن اليوم تنضمين انتي ايضا لقائمة حوبي القديم وبلا ماندم
__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا
ربي اغفر لي ذنبي فانه لا يغفر الذنوب الا انت
التعديل الأخير تم بواسطة مغربية مغتربة ; 2013-06-20 الساعة 12:02 PM