رد: سجل حظورك بأبيات من الشعر
البارحـه نمـت ولا جـاك مـا جـانـي
ان كنت ضايـق ترانـي ضايـق بشـده
كل مـا آتذكـر " غـرام مـات " واشقانـي
لعنـت ابـو ساعـة هالايـام والـصـده
لول على شـان اشوفـك تبكـي اعيانـي
والحين في ذمتي مـا عـاد لـي شـده
ولا جاك مني مسـج مـا يبطـي الثانـي
والحين مـن بينهـم يـا مطـول المـده
كنـت اتمنـاك لـي وانـتـه تمنـانـي
لكـن الايـام عكـس العـاشـق ووده
صديـت عنـك " وانـا احبـك " ولا ادانـي
اشوفـك تحـب غيـري وماسـك يــده
اجبرني الوقـت فـي جفـواك ولا انـي
ما قد تهاونـت وقتـي وآثـره لـده
لا تلومنـي عنـك لا صكيـت بيبـانـي
تـرى محبـك ظروفـه وقفـت ضــده
باقولهـا يـا غـلاي بسلـم جـدانـي !!
خـل الغـلا بيننـا " وانسانـي بـرده "
ماهـو بعلـى شانـك ولا هـو علشانـي
لكـن علشـان قلب باحلك سده
ادري وتدري بحبك .. بـس وجدانـي
السلم / والاهل / والحظ الردي نده
يـا ليتهـا فـي يدينـي نلتقـي ثـانـي
ولا يـعـود زمـانـك واقـــدر آرده
اذا نسيتـك يـا جـعـل الله يبـلانـي
بيتك بوسط الحشا .. ما عاش مـن هـده
كانك تعانـي .. ترانـي مثلـك آعانـي
وكانك تمل الصبر .. صبري وصل حـده
لا ناموا الناس طيفك يا الغـلا جانـي
وجتك الهواجيس طول الليل ممتده
غلاك في وجهي وفي وجه شيباني
وغلاي امانة فرقبتك جزره ومده
ان قلت مابيك تايه يكذب لساني
مغليك دمعه بحبك مغرق خده
فلا بد مـا نلتقـي .. كـان الله احيانـي
حرام انسـاك مهمـا طالـت الـمـده
__________________
.
الوقت الذي تستمتع باضاعته ، ليس وقتا ضائعا
التعديل الأخير تم بواسطة سلاوية الخاطر ; 2013-07-02 الساعة 12:14 AM