مزاعيط المغرب - السفر الى المغرب - عرض مشاركة واحدة - ذكـريات اجمـل رحـلة للـمغـرب ( part 6 )

Oscar

المشاركات: 2,547

تاريخ التسجيل: Jul 2010

الدولة: marrakech

العمر: 39

2013-07-04, 03:17 PM

رد: ذكـريات اجمـل رحـلة للـمغـرب

نكمـــل

والعذر عالقصووور

واانا اتكلم مع الاخ القطري اللي عزمناه عالطاوله .. تغير المطرب و وجا واحد عراقي واول اغنيه غناها

كانت قلب قلب لمحمد السالم .. الاغنيه الهابطه اللي يقول فيها ميااو و بس بس ههههه

وكانت الاغنيه جديده وجوها خطيير .. فجأه اشوف الكل قااااام يشطح وما بقى غيري انا وخوينا القطري قاعدين ومقاومين

وهو يطالعني وانا اطالعه

وبعدها على طول اغنية كافي حبيبي غياب ( حباب ) .. والجماعه استمروا

وانا وخوينا لا زلنا مقاومين .. فجأه جاني هذاك اللي قابلته في القطار ( المختلف ) هههه قالي قووم معاي ليش قاعد

: اعتذرت وقلت له انا قاعد مع صاحبي وما اقدر اخليه .. وكان معاه وشخص اقل ما يقال عنه انه ( من كوكب آآخر )

حتى القطري يقولي شفت اللي انا شفته ؟؟ ههههههههههه

وانا اقول في خاطري : حظي عجاجه والحبايب قراطيس .. من يمسك القرطاس وقت العجاجه

قبل ما تخلص السهره بدقايق رحت فووق .. في القاعه اللي عند باب الخروج ..

قعدت انتظر الشله الفاسده اللي ما خلوا احد في حاله ..

طلعنا برا نبي ناخذ تكسي شوي و وحده تكلمني تقولي تعال معاي انا عندي سياره

وانا على نياتي قلت طيب بتوصليني البيت يعني . قالت ابشر من عيوني هههه

شوي وصاحبي يمسكني ويقولي وين رايح انت هذي ما تعرفها ولا تعرف وين راح توديك

قلت يا عمي البلد امااان ههه قالي كيفك وحنا رايحين بتكسي وسالني تعرف العنوان قلت اكيد

عارف العنوان وحافظ طريق الشقه ..

كنت غبي بصراحه اركب مع اي احد وامشي في اي مكان هههه

ركبت مع البنت وكان عندها بيجو 206 وطول الطريق ما تكلمنا كانت مكثره ومعليه على صوت الاغاني وقلت لها

ترى انا ساكن في المكان الفلاني وقعدت ادلها عالطريق .. لغاية ما وصلنا ..

قالت لي شنو غادي تدير دابا .. قلت والو بروح اخذ دش سريع وانام .. قالت لي بصحتك ونزلت والغريب في الموضوع

انها ما تكلمت معاي في اي امور جانبيه من اللي خبركم ..

وصلت الشقه واكتشفت ان الربع بعدهم ما وصلوا ومفتاح الشقه معاهم هههه نزلت تحت كأني لاجئ ..

انتظر .. وانتظر .. مرت نص ساعه وانا انتظر .. و تلفوني مقفل مافيه شحن .. آخر شي وبعد طول انتظار

وصلوا الجماعه وسبب التأخير كان انهم مضيعين ونسوا مكان الشقه ههههه طبعا انا اخذت دش سريع

وعلى الغرفه طوالي واحلى نومه بالرغم من ازعااج الربع كانوا مسووين جو بالصاله .. وانا نايم ولا علي وقافل الباب

صحيت بدري تقريبا عالساعه 11 الصبح .. والكل نايم .. حتى اني لقيت جثث في الصاله هههه

نزلت تحت واخذت تكسي وقلت له يديني عالمرجان .. تبضعت عالسريع و طلعت ادور تكسي ابيه يوديني لصالون حجيب في غيليز

وكل واحد يعطيني سعر خرافي .. لغاية ما زهقت وركبت مع واحد كبير في السن ... ولما كلمته اكتشفت

الله يشافيه ويعافيكم انه ما يتكلم .. بس يسمع .. قلت غيليز واشر بأيده يعني اوكي .. ولما وصلنا اعطيته

خمسين درهم ورجع لي عشرين .. قلت هذا باين عليه ان تمام بس المشكله لو اخذت رقمه صعبه اني اتفاهم

معاه .. والشي الثاني انه بس خدام بالنهار ...رفضت اني اخذ الباقي وشكرني ونزلت عالصالون في غيليز

حلاقه وحمام ومساااج .. وقابلت صاحب الصالون بصراحه قمه في الاخلاق واالادب ومهتم كثير بزباينه ومحله

ارفع له القبعه

طبعا الصالون هذا قريب جدا من ساحة البلازا .. طلعت منه ورحت امشي لـ الساحه وقعدت في ماك اتغدا

وكان الجو خراااافي .. غييم وشوية برد ... اتصلوا علي الربع وقالوا انت وينك .. حنا نبي نروح ساحة الفنا قابلنا هناك

واتفقنا نتقابل عند كنتاكي اللي قريب من الساحه .... وان شاء الله نكمل في اقرب فرصه

__________________
i am a very private person, yet i am an open book
if you dont ask... i won't tell