رد: ذكـريات اجمـل رحـلة للـمغـرب ( part 3 )
نكمــل ...
قابلت الربع عند كنتاكي في ساحة الفنــا ...
واعتذرت منهم لاني مابي ادخل الساحه لاسباب شخصيه
وقلت لهم اني برجع الشقه .. اغير وارتاح .. ونتقابل هناك بعد ما يخلصون
جولتهم في الساحه ... طبعا هذا اليوم اذكر كان التاريخ 20/ فبراير
واهل المغرب يذكرون هذا التاريخ جيدا .. لانه في هذا التاريخ
حصلت عندهم مظاهرات ضد الحكومه .. كانت في البدايه مظاهرات سلميه
وتحولت لاعمال شغب وتخريب .. المتظاهرين كان يطالبون بـ :
إقرار دستور ديمقراطي, وحل الحكومة والبرلمان الحاليين, وتشكيل حكومة مؤقتة
وكانت الاحتجاجات هذي تحت قيادة حركة يطلق عليها حركة 20 فبراير .....
وبالفعل المظاهرات هذي وبالرغم من اعمال الشغب اللي صارت و وتكسير للمتلكات العامه والخاصه
ولكنها لاقت تفااعل كبير من الملك محمد السادس واتخذ عدة قرارات تاريخيه ابرزها :
_ تشكيل مجلس وطني لحقوق الانسان .
_ تشكيل لجنة لتعديل الدستور
_ أقرار عددا من مشاريع القوانين والمراسيم المتعلقة بمكافحة الفساد وتطبيع الحياة العامة.
_ الافراج عن عن 190 معتقلا سياسيا.
وبعض القرارت الاخرى الاخوان المغاربه اجرى بها .. ..
وانا في طريق العوده للشقه لاحظت ان حركة الشارع غريبه ..
وحتى التاكسي يقولي اليوم فيه مظاهرات بالمغرب وفي مراكش وانصحك ما تطلع من الشقه .!!
وصلت الشقه وغيرت ملابسي واتصلوا علي الربع قالوا قابلنا في غيليز .. نتظرك في الساحه
لما وصلت وقابلتهم حسيت انه الوضع غريب جدا .. مافيه حركه كالمعتاد .. الناس كلها خايفه من شي .!!
وحنا نمشي ولا عالبال .. دخلنا مطعم في غليز .. هذا اللكلام قبل المغرب .. انا اتكلم في التلفون
والشباب يستنون الاكل .. فجأه نسمع صووت صراااخ و العاب ناريه .. وصاحب المطعم يركض
و يطفي الكهرباء في المطعم كامله .. ويقفل الباب علينا من الداخل وينزل باب الالمنيوم الخارجي للمطعم ..1!
انا 
استغربت قلت شو السالفه يا معلم .. قالي المتظاهرين راح يمرون في هذا الشارع واي شي قداهم راح يسكرونه
بما معناه لو انت بايع روحك اطلع برا ههههه .. انا بصراحه حسيت انه فلم اكشن ..!!!!
اول مره في حياتي اشارك في مظاهره حيه .. متعود بس اشوفها في الاخبار .. وظلينا نص ساعه في المطعم
ونسمع اصوات تكسير وصيااااح في الخارج .. .gif "Morocco 5 (148)")
وفجاه وصل الامن وطهروا المنطقه من هالمتظاهرين وللعلم
المظاهرات كانت سلميه ولكن البعض من من يطلق عليهم بلطجيه او شمكااااره .. قاموا بتخريب بعض الممتلكاات العامه
والخاصه خصوصا في غيليز .. ماكدو اللي في ساحة البلازا و محل زارا اللي جنبه .. والفيديو التالي يوضح ما قام به البلطجيه :
شوفو حالة الماكدو اللي انتوا دايما تروحون له .gif "Morocco 5 (156)")
....
كل هذي الاحداااث صارت وانا موجود في نفس المنطقه ولكن ولله الحمد عدت الامور على خير
هههههههه وكانت احلى مغامره في حياتي ...
وبصراااحه ررحلة مافيها اكشن ومغامرات ما اعتبرها رحلة ناجحه
الشباب تضايقوا من اللي صار وقالوا ما ارح نكمل ونبي نروح اكادير
وانا رفضت قلت لهم باقي لنا 3 ايام نقضيهم بمراكش و بعدها نروح اكادير
وان المظاهرات هذي راح تنتهي والامن منتشر في كل ارجاااء المدينه ...
وبعد نقاااش وتشاااور اقنعتهم ...
المهم رجعنا على طوول عالشقه و أجلنا كل مشاورينا .. بصراحه كنا متخوفين
ان المظاهرات هذي ترجع في اي وقت .. وبعد اجراء اتصالات تطمنا ان الامور هانيه
ونقدر نطلع ونسهر ونروح اي مكان نبيه .... لذلك قررنا نروح نسهر طبعا طلعتنا كانت
متأخره .. من الساعه 7 المسا ولغاية الساعه 12 وحنا قاعدين في الشقه ..
طلعنا على اساس نروح النرجس .. وعلى هذيك الايام كان النرجس لسه بالديكور والترتيب القديم
يعني مو مثل ماهو الحين .. بصراحه كان جوه كئييب .. والديكور متعوب عليه بس تحس انك قاعد في صالون حلاقه
نظام طاولات وفرقه .. يعني كان يصلح للاصحاب الجور الرايق واغاني ايام ابيض واسود ..
لفه سريعه وعلى طووول طلعنا ... كملنا السهره بالياسميــن .. وقبل نهاية السهره
وحده معروووفه عند المزاعيط .. اتحدى اي مزعووط يروح مراكش كثير ما يعرفها هههه
تأشر تقولي تعاال ..!! انا اتلفت وراي .. تقولي انت انت تعال هههه
قلت في خاطري شتبي هذي .. رحت قالت لي انت وربعك من شوي كنتوا في النرجس صح
قلت ايه صح ماشاء الله شلون عرفتي قالت .. انا شفتكم بس انتوا ما قعدتوا .. قلت لها ان الجو كئيب وما عجبنا
قالت بصراحه انا عجبني جوكم .. تعال اقعد معاي عالطاوله هههههه قلت ابشري بس دقايق بروح اجيب اغراضي
وارجع لك ... طبعا انا قلت شتبي مني هالنشبه .. وطشنتها ما رجعت لها
ولما خرجنا بالصدفه قابلتها برا .. قالت ليش ما جيب عندي ..؟ خلاص روح عند فلانه ..
ههههههههه قلت اي فلانه يا حجيه انا واقف ويا الشباب وهي كل شوي تقولي روح عند فلانه
الظاهر انه الصنف كان قوي جدا ... المهم ركبت التاكسي وتحركنا من هالمكان وكرهت الياسمين وجوه
والسبب هالاشكال وبعض البنات صغاار في السن .. واغلبهم قصر .. اندر ايج .. و معاملة زبااالة من قبل القائمين عالمكان
واكبر اكسسسس على الياسمين لـ هذا اليوم .. وفاصل ونواااصل
__________________
i am a very private person, yet i am an open book
if you dont ask... i won't tell