جيتك وانا ادفى على جال السهر قبل أهيم
لوجه مااضيّعه لو ضاع وسـط الزحام،
.
وياكثر ماشفتك مسافر وشوفي مقيم،
وياكثر ماسافر الشوف بعيونك ونام

ياوارف الظل لافيّا ياليل النديم،
ياقطرة الما على غصن تمايل وقام
.
يااقسى من الطعنة الخضرا بوسط الصميم،
والطف من القبله اللي ماسبقها سلام!

ياابلغ من الصمت فشفاه ولسان الحكيم
اللي سكوته رغـم طوله بداية كلام
.
يااصدق من الدمع فعيون الرضيع اليتيم
اللي بكا دمعة الفرقا ودمع الفطام


اتذكرك كثر مااشتقت الك شوق قديم،
وانساك لحظه ويوم وشهرواذكرك عام،
.
أنت اقرب احبابي اللي سافروا للعتيم
وان جيت لك بحترق في يديك برد وسلام!

__________________
G I N
! ! . . . ♥ . . . ! !