مزاعيط المغرب - السفر الى المغرب - عرض مشاركة واحدة - ذكـريات اجمـل رحـلة للـمغـرب ( part 6 )

Oscar

المشاركات: 2,547

تاريخ التسجيل: Jul 2010

الدولة: marrakech

العمر: 39

2013-07-08, 03:25 AM

رد: ذكـريات اجمـل رحـلة للـمغـرب ( part 4 )

نواااااصل

اتفقنا نقضي اليوم الثالث والرابع في مراكش بدون سهر .. يعني تمشيه بالنهار

وبالليل كافيهات و مطاعم وصاااافي ....

طبعا الاثنين اللي معاي كل واحد مضبط جوه

.. وانا وحداااني وبقوووه ... وقالوا اليوم

جونا رااايق وما بنطلع .. بنقضي اليوم كله في الشقه ... وانا وحداني وما عندي احد ومليييت

والحبايب جوهم حده رومانسي وانا مخرب عليهم ام الجو .. قلت اطلع وافضي المكان افضل لي ولهم

طلعت اتمشى في احضااان معشووقتي الاولى والاخيره مرااااكش الحمراء .. وبعد ما تعبت من المشي

اخذت تكسي ورحت اتغدا في بيتزا هت .. وحداني كاالعاده لا صديق ولا ونيس ولا حبيب .. تتوقعون عين ؟ ههههه

المهم خلصت بعض الزيارات السريعه .. ورجعت الشقه قريب المغرب .. والجماعه قاعدين وكل واحد في عالم ثاني

قلت لهم انا بروح انام ومابي ازعاااج .. وبالليل بروح اسهر ونتو؟ قالوا حنا راح نسهر في الشقه .. يعني اليوم كله بدون طلعه

ما يصير يا جماعه ههه والله جوكم حده كئيييب ... قالوا حنا اتفقنا قلت على عيني وراسي بس انا وحداني شلون اسهر معاكم

بالشقه ..؟ شكلي غلط ما بينكم .. المهم نمت وصحيت وغيرت ملابسي وهالمره انا صاحب القرار يعني اروح اسهر وين ما ابي

لاني لحالي وبكيفي .. وكانت الوجهه لـ تياتروو .. واحلى سهره مع اني واصل في بداية السهره والمكان تقريبا فاضي

ومع مرور الوقت امتلى المكان .. وكـ رأي شخصي الوحداني يعيش جوه ويستانس اكثر عكس لما يكون مع جماعه او قروب

ياخي تحس انك حر تسوي اللي تبيه .. ما عجبك الجو عادي تغير المكان .. يعني ابد ما تلتزم بجو معين .. خصوصا

اذا كان اللي معاك من النووع المزااجي .. طوول السهره كنت مسوي نفسي ثقييل وما التفت لـ احد ..

لانه في النهايه السالفه كلها عرض وطلب .. وانا بالي مشغوول بـ امور ثانيه وابي استانس واغير جو هالليله ماكان

لي خلق اي شي ثاني ... انتهت السهره ورجعت الشقه .. والشباب كلهم في غرفهم ..

وانا في عز نومي اسمع الشباب ينادون علي و يدقوون باب الغرفه .. شفت الساعه كانت 11 الصبح

صحيت وفتحت الباب قالو لي شرايك اليوم نروح اكادير بدل ما نروح بكرا ..؟

قلت وانا تعبان وابي اكمل نووم اللي تشوفونه .. قبل لا تروحون صحوني .. ورجعت نمت

وصحوني بعد ساعتين قالوا يلا اجهز ترى اجرنا سياره ونبي نروح بعد نص ساعه بالكثييير

تجهزنا وطلعنا على اكاااادير ..ميامي المغرب .. وهذي صورة في الطريق لـ اكادير

النفق الجديد :

وصلنا اكادير بالسلامه وللعلم اكادير كانت اول مدينه ازورها بالمغرب .. ولكن قلبي تعلق بمرااكش

وكانت الوجهه لمحل صراافه في البدايه وبعدين رحنا المرينا وكااان السكن في شقه في المرينا .. ملك خااص

ومش تبع الفندق .. 3 غرف + صاله + حمامين ومطبخ .. 2200 درهم لليوم عن طريق صديق مغربي في اكادير

هذا تربطنا فيها علاقه صداقة واخوه .. وهذي صووورة من البلكونه :

صح ان المكان رااايق والشقه اثاثها عصري وفخم .. ولكن المشكله الكبرى لما تسكن عن طريق السماسره واصحاب الشقق

يعني الملاك .. راح تحصل مضايقات كثييره من قبل البوابيين بالليل .. يعني ما انصح احد يأجر بالمرينا عن طريق سماسره وملاك

تبي تسكن بالمرينا وترتاح .. اسكن في الفندق .. وراح تكون اموورك كلها في السليييم ....

المهم حطينا الاغراض ونزلنا نتمشى على طوول تحت في المرينا .. ووقعدنا في كافيه نسيت اسمه بصراحه وهذي صوره

التقطتها من طاولتنا :

وفااااصل آآخر ونوااااصل

__________________
i am a very private person, yet i am an open book
if you dont ask... i won't tell