رد: سجل حظورك بأبيات من الشعر
كلشي يتكلم على الحب....وكلشي يشكي من عدابوا
الحب ولى شوكو يعطب...وامشكر على انيابو
حب اليوم مابقى يعجب...كولوا لي واش اسبابوا
علاش الوقت تتقلب..هدا سؤال فين جوابوا
كدير يعيش هدا القلب ...محروم والحب مايكسابوا
ياقلبي للحب ماتقرب...ولا الدير رجلك في ركابوا
يخليك عايش معدب...وديما ساد عليك بوابوا
اللي جاه كلامي عجب..ها الحب يطلع عكابوا
مابقى في الغابة مايتحطب...الحب ماليه غابوا
ياقلبي ماعندك لين تقرب..راه الحب يعرف صحابوا
الحب ماشي مسرب...ولا غؤيب الواد جابوا
حب اليوم ولى حرب...يربحوا اللي عامرين جيابوا
وهو شمس ساطعة ماتغرب...سال اللي مجرب يروي ليك اكتابوا
ياللي بالنية باغي تكسب...الحب موجود يتسنى اخطابوا
سول على الحب ولا تزرب...عنداك تغلط في احسابوا