رد: بداية الزعطة,, رحلتي لأغادير + الرباط
الجزء الثالث (السفر للرباط)
نكمل معاكم الجزء الثالث من بداية الزعطة المغربية, طبعا من بعد صدمة فندق اتلانتك, دارت الدنيا فيني وحسيت إني كنت نحس على المغرب او أنا منحوس خلقه, العالم جايه من المغرب وتحكيلي قصصهم ووناستهم وأنا من اول يومين يصير معاي كذا, ما علينا,, نكمل
طبعاً خلال الأيام السابقة في الفندق كنت اتجول في ارجاء اغادير وأغلب وقتي كان في الكورنيش والتسكع في المقاهي وشرب الاتاي والفرجه فقط بلا مواعيد يا (مواعيد يا قلبي العنى, مواعيد وش ذنبي أنا), لكن كنت اتسلى وانا في الكورنيش وألمح ما لا يخطر على بال أحد من الطيور المهاجرة اللي تحط رحالها في اغادير, كنت مبسوط رغم الألم, ورغم الجراح.
بذكر لكم قصة إعجاب حدثت في كورنيش أغادير ومنها قلبي تعلق بالمغرب أكثر وبكازا أكثر, كنت طبعا كما ذكرت أجلس في أحد المقاهي اللي بصراحه ناسي اسمه بشكل يومي وفي نفس المقهى كانت في عائلة مغربية تجي للمقهى كل يوم ومعاهم شغالة مغربية ويصادف إني ألتقي فيهم كل مره اكون فيها بالمقهى, كانت برفقتهم فتاة في ال 18 من العمر فتاة في غاية الجمال, كانت السعادة والفرح تغمرها والحزن ما يعرفها, دائما مبتسمه, وطرى على بالي هالبيتين من الشعر
عيونها فصل الربيع إذا رنت *** وتمامه في ثغرها المتبسّم
قد كان وجهي يستنسر بوجهها*** والعين من لحظٍ بها لم تسأم
كانت عيوني تراقب تحركاتها وتصرفاتها, كنت اتعمد أجلس في الطاولة المقابلة لها عشان ما تفارقني نظرة عيونها العسليه ولا تموج شعرها الأشقر مع نسمات هواء أغادير, ولا ضحكة شفاهها الوردية,
جلست في الحلم هذا يومين وفي اخر يوم لي في اغادير رحت لنفس المقهى وجلست ونفس طلب كل يوم, بعد ما جلست بنصف ساعه سمعت صوت يناديني من ورى, وألتفت واشوف شغالتهم تكلمني, وتقولي هات رقمك وتأشر ناحية البنت, انا فز قلبي من مكانه وكنت ادور قلم اكتب رقمي ونسيت ان احنا بعصر السرعه وان الجوالات موجوده والشغالة كان بيدها جوال البنت عشان تسجل رقمي وانا ارتجف وانا اعطيها رقمي 0504856 بس خلاص تبي تنكبنا مع المشرفين ههههه, وراحت وانا متشقق من الفرحة كأني فايز بكأس الدوري وكأس الملك ههههه, وش صار بعدين اقولها بعدين ^_*.
دائما آخر ليلة لك في أي مكان تكون متوتر وتهوجس وخصوصا لما بتروح لمكان اول مره تسافر له فما تدري وش بيصير معاك, طبعاً الوجهه كانت للرباط, كيف وليه اخترت الرباط كانت عن طريق من عالجتها بغرفتي وقت ما كانت مريضه, حبت تكافئني على اللي عملته حجزت لي السكن وارسلت لي سواق للمطار وانا والله ما عملت هالشي لغرض في نفسي او غاية انما هي طيبتنا احنا اهل الخليج ولا يهونون اهل المغرب لكن احنا فينا طيبه ونحب نساعد ونقدم الخدمة حتى من دون سابق معرفة للغير بطبعنا حنونين الله يحفظنا ^_^.
المهم, رتبت اغراضي وجهزت نفسي وجات الساعه 02 بالليل ووين الوجهه ,, ديسكو اتلانتك,
,
^_^
على طووووووووووول رجعت للريسبشن قالي الموظف حشووومه عليك قلت لا حبيبي من باعنا بعناه لو كان غالي والحين ابي ارجع الغرفه عااد تدرون فلسفتهم الزايده لا ما يصير ومن هالكلام قلتله عزيزي انا مالي ساعتين من حجزتها وابي ارجعها ومو مشكله اذا بتخصمون من المبلغ قال اكلم المدير المناوب وارد لك خبر, قلت صافي راح شوي ورجع وقال بنرجع لك 1500 درهم بس وانا ما وافقت وقلت خلاص نخليها 2000 درهم وبين شد وجذب وافقوا, لاول مره الحظ واقف في صفي ربحت 2000 درهم كاني داخل ال مو الديسكو.
رحت الغرفه ونمت والصباح جاني السواق وهوى عالمطار,,, يتبع
()