السلام عليكم جميعا على طاري المصارحات بينا كاخوان بحكيلكم قصه حصلت علي انا وخويي ويشهد الله علي ما ازل عليكم بشي واعطيكم السالفه من طقطق الى سلام عليكم حنا اول مره نروح للمغرب وقريت تقارير كثير عنها وسألت يعني اخذت فكره عامة واللي استنبطته كفكره انه يكون تعاملي معهم بجديه وبدون ابتسامات زايده مع جلافه شوي ولا اخلي احد يهذرني لاتكسي ولا عساس ولاجوازات ولاشرطه ولا حد يعني كأني عايش معهم لي سنين وكأني واحد منهم بتمشي كلامك وتاخذ اللي تبي وانت مرتاح مع جديه في التعامل ادخل في عين التخين مع طقطقه تبين انك فاهم الحوار وبهذا الاسلوب ماحد بيجلمني يعني لانه كل شي على المكشوف الا العساس لازم ادهن سيره اذا بيجي ضيوف اعطيه 50 درهم طيبة خاطر مع طقطقه وضحك شويتين هذه الفكره اللي رسمتها وماشي عليها المهم قبل السفر بأسبوع حجزنا الشقه عن طريق صديق لنا خبره 13 سنه بالمغرب على قولته وثقنا بالله ثم بخوينا ذا كانت الرحله على الخطوط المغربيه يوم الاثنين الساعه 4.50 صباحا الاقلاع من جده بتاريخ 23/6/2013م بسعر 2620ريال الله يقلعه من طيران المهم وصلنا كازا الساعه 12 الظهر وخلصنا اوراق الجوازات مع شوي تعقيد وتلميح وكنك ماتشوف شي صن وخلصنا واخذنا تكسي ب 250درهم وعلى فكره صرفنا من المطار وكان الصرف 1000ريال ب 2154درهم واتجهنا للشقه بحي العوينه الحاره شارع قول ميما مقابل مطعم فيروز بالقرب من مسجد الحسن الثاني وقريبه من الزرقطوني المهم وصلنا استقبلنا كمال ودخلنا الشقه وحصلنا 2 شباب سعوديين منتهي اجارهم وماشين للمطار هاه يالربع العنو ابليس اجلو رحلتكم يومين قالو ماشين لاتقولون شي مره طيب كيف الاوضاع الامنيه والمعنويه ومدى الراحه يعني من مجاميعه كيف قالو تمام يقولونها وهم متضايقين وش فيه يالربع عسى ماشر قالو لابس البارح حصلنا مشكله دفينا الشارع كله والعساسين وبعد صاحبة الشقه ب1000 درهم لوحدها طبعا هالكلام بينا وبينهم طيب وليه يالربع ذا كله قالو معنا طيووور ونبي ندخلهم وفيه حمله امنيه مكثفه على قولة صاحبة الشقه ولازم نخلص المهم الشقه ماهي ذاك الزود غرفتين صغار وصاله جايه بالغلط ووسعرها 1100درهم مع الشغاله قلنا تم واعطينها حق 6 ايام وبعقد اجار بينا المهم ريحنا الين بعد العصر وطلعنا لانفا مول وشاطي عين ذياب ورجعنا بعد المغرب وخويانا اللي قبلنا وصونا بأنه اذا تبغى تجيب ضيوف كلم ام وليد تدخلهم واتصلت الو ام وليد وينك قالت دقيقه واكون عندك جت هي وكمال وقالت بصراحه ما اقدر ادخل ولا ضيف فيه حملات بوليسيه ومداهمات بشكل غير طبيعي اذا جابين تكملون الاجار ولا بعطيكم دراهمكم وروحو مع كمال يشوف لكم شقه ثانيه واتصلنا على خوينا في السعوديه الوضع كيت وكيت قال خلكم مع كمال قلنا بناخذ فندق قال لا لا كمال بيأمن لكم شقه هااانيه المهم كلم كمال واجرا كم اتصال المهم قال حصلت لكم شقه وااااعره بالزااااف وبنفس السعر المهم اخذنا الدراهم والاغراض وطلعنا للشقه الثانيه في بنايه اسمها بناية جاسم العراقي قريبه بعد 150 متر وطلعنا للشقه بالدور الخامس ودخلنا وكانت شقه رووووعه بصراحه 3 غرف نووم ماااستر مع دورة مياه لكل غرفه وانتم بكرامه وصاااله كبييييره وكنب فخم وشاشه يعني فرق شاااسع عن الشقه الاولى المهم ماصدقنا بنفس السعر واخذناها وعقد 6 ايام مع الشغاله واخلاقها عسل والوضع فرررري اللي في خاااطرك سوووه لو تجيب اللي تجيبه المهم كمال هاه الاوضاع الامنيه كيف الشقه مضروبه صارحنا وابشر باللي تبي قال انتم اصحاب فلان والله مابخونه هذا زبوني من سنين وبينا عشره وماقد انظر دامه معي ارتحنا نفسيا ريحنا ونمنا وصحينا اليوم التالي الساعة 12 الظهر وغيرنا وتشيكنا ولشغاله مسنتره هاه كيف تعرفين حمام مربى بيتوتي غرانيق قالت لا فيه غزلان تطرح الطيووور من السماء ههههههه غزلان بيتوتيه المهم قلنا خلاص خليهم اللحين بنطلع نتغدى وبعد ساعه ساعتين بنرجع هاه ياخوي كيف قال الغدا قلت تم وقدام مايجون ذولي لازم نكوون مظبطين الاوضاع والعساس وكيف الوضع الامني يعني نستعد ونرتب ونشوف اللي لنا واللي علينا لأنه فيه تشديد امني فضييييع بشكل وااضح واول يوم المهم اتفقا وطلعنا لشاطي عين ذياب وتغدينا وتمشينا على الشاطي وكااان راااائع بما تعنيه الكلمه وزحمة ناس بالزااااف وتخيييم وعوم واشكال وانواع البشر من جميع الجنسيات والبشرات واللبسات والتشمسات والترقيمااات هذا ولاهذاك لا شوووف شوووف اللي هناك من وين انت انا من مكناس انته بشر ولا ملاك مدري انا في حلم قال بتعوووم قلت ايه قال بنزل قلت وانا معاك هذا وخذناا سوا اجمل لحضات عن جد والله هذا الرقم وبعد العصر نبي احلا كفيهااات قال اوكي بينا اتصالات اوكي فديتك باااي اااااه بس المهم وبعد احلا 3 ساااعات من غدا وعوووم واحلا صدفه جااايه من غيير ترتيب رجعنا نبي نغير ونجنتل ونرجع نكمل الحلم الجميل اخذنا تكسي على وين شباب على شارع قولميمه (العوينه الحاره) يالله اتكلنا دير العداد قال لا ب 50 درهم ونزلنا من عنده بدون تفاهم الثاني ادير العداد ادير العداد اطلعو المهم وصلنا حاسبناه نزلنا وصدفه الشغاله ماره هلا ام اشرف اهلين رايحه البقاله وجايتكم فيه واحد يلحقنا فهمت منه انه عساس حاجه زي كذا وكرشناه ونوصل لباب العماره ويلحقنا عساس ثاني برضه فهمت منه يبي دراهم يقول عنك عنك بفتح الباب وكرشناه بطريقه انه نقدر نفتح الباب وش عندك المهم فتحنا باب العماره وزعلنا العساسين لان خشتهم غريبه واول طلعه سوو معنا كذا قلنا نكرشهم من اولها عشان يسلكون طيب هاه ياخوي ماكنه قسينا عليهم قال ابد مالهم عندنا شي اذا بنجيب اللي بالي بالك بنراضيهم بكلمتين و50 درهم وانتها الموضوع كل شي في وقته حلو تم يالذيب المهم طلعنا ودخلنا الشقه هاه يجي راس معسل اتجه خويي للمطبخ ورجعلي قال فيه ضيوووف عندنا وين في الغرفه من دخلهم الشقه كيف يدخلووون وحنا مو موجوودين من سمحلهم ايش الكلااام هذاا المهم رحناا لهم سلام عليكم السلام مرحبا بيكم اهلين ما اهلين تفضلو تفضلوو اجلسو بالصاله دخلوو الصاله وجلسوو انا على اعصااابي رااايح جاي وخويي مداااقش معهم ياخويي الوضع مايطمن احس فيه شي غلط مايدخل الراس هاه ياخوي تبيهم قال وش رايك قلت ما ابي احد من متى وانتم هينا من ساعه تقريبا كيف دخلتوو قالو ام اشرف اها وش ساكنين بالعماره هذي لا باللي جنبها طيب وش عندكم انتم بتزورون ام اشرف ويفكونها ضحك ههههههه ويكلمون بعض هاه شكله بيمشينا ويضحكووون ههههه بس بالامانه اخلاقهم مررره عاليه واحس فيهم براءه حيروني عن جد ابي اهدي نفسي اتوتر زياده فيه شي غلط حسيت حنا في موقف خطيير ولاندري وش السالفه ابي اهدي الوضع وافهم السالفه الوضع ماينتقبل بصراحه دخلت المطبخ اضبط الشيشه وبالي مشتت كيف يدخلون بذالطريقه وحنا مخططين نظبط الامووور ومتحرررصين ونمشي على المضموون مو خبط ولصق على الاقل احس انه سوينا شي يطمنا وقنعانين فيه بس قلت معليه دقايق ونمشيهم المهم جبت الشيشه وناخذ نفسين وشرفت ام اشرف وبعدها بدقيقه جت اختها وعلى دخلتها الا ووراها ثلاثه مدنيين بوليس بوليس قلت بس هذا فلم مسوينه كلهم