مزاعيط المغرب - السفر الى المغرب - عرض مشاركة واحدة - ذكـريات اجمـل رحـلة للـمغـرب ( part 6 )

Oscar

المشاركات: 2,547

تاريخ التسجيل: Jul 2010

الدولة: marrakech

العمر: 39

2013-09-20, 01:06 PM

نكمل من حيث انتهينا ....

* طبعا الاحداث اللي اللي صارت في اكادير كلها سهر و نوم يعني ما في شي يستحق الذكر
واكادير حلوه وعلى عيني وراسي عشاقها وروادها واهلها ولكن ما عجبتني انا كـ سائح
يبحث عن مساحة واسعه و اماكن ترفيهيه اكثر من الموجود .. اللي ما عجبني شيئين
الاول انك وانت هناك راج تقابل نفس الاشكال تقريبا .. يعني وين ما تروح راح تلقاهم

والشي الثاني مافيها خيارات متعدده من ناحية اماكن السهر واشياء اخرى انا ابحث عنها شخصيا
ولكن تبقى مدينة هاديه و واعره لهواة الاستجمام والالعاب البحريه و التان

بعد مرور 3 ايام في اكادير قررنا نروح للعاصمه الاقتصاديه بالمغرب .. الدار البيضاء كازا بلانكا

وهنا كانت نقطة التحول في رحلتنا المكوكيه .!!! كازا كنت امرها مرور الكرام بحكم انها تحتضن

المطار الدولي للمغرب مطار الراحل محمد الخامس ... وهذي هي اول زياره لكازا

قبل التوجه لكازا حدث تغيير بسيط في الخطه .. وتم الاتفاق على زيارة الجديده وبالتحديد منتجع ( مازاكان )

+ تكلمت عنه كثير في تقارير سابقه .. طبعا بعد تغيير الخطه لا بد من الاخذ بعين الاعتبار ان خط سير الرحله راح يتغير

وعدد الساعات بالطريق راح تزيد .. طلعنا من اكادير الساعه 2 الظهر تقريبا .. و الوجه الى مازاكان زي ما يقولون وزي ماشفت

افخم منتجع متكامل بالمغرب .. ويمكن بالمغرب العربي كامل .. هذي صورة من النت للمنتجع الراقي :

اويلي عالمنظر .. شي خيالي ..

طبعا احب اقولكم حنا سلكنا الطريق الزراعي بالاتجاه الى الجديده .. على اساس انه اقرب من الطريق السيار

وهذا حسب كلام الاخ المغربي المصطي اللي خذناه معانا لكازا .. الطريق كان طويل وشاق ومتعب ما اذكر كم ساعه

بالضبط اخذنا بس من جد كانت رحله متعبه جدا .. وصلنا سالمين للمنتجع المذكور وكل واحد اخذ له مكان .. اللي راح ال

واللي قعد بالبار .. واللي بالكافيه اللي في مدخل المنتجع .. كلن يغني على ليلاه ..

طلعنا من مازكان متأخرين و وصلنا كازا بوقت متأخر وحجزنا هالليله بفندق السويس غرفتين نريح فيهم ومن بكرا نروح نشوف

فيلتنا اللي حجزناها عن طريق التلفون بالاتفاق مع وحده نسيت اسمها تشتغل خدامه بالفيلا بس بأيدها كل شي .

ثاني يوم عملنا شيك آوت من الفندق اللي ما ودي اذكر شي عنه غير انه فندق ابو كلب بصراحه

ودعنا صديقنا الطويل وارسلت لنا الخدامه سواق ياخذنا للفيلا طبعا على كلام يقول ان الفيلا صار فيها تحديث بالاثاث وانها

ممتازه بس لما وصلنا اكتشفت ان الفيلا قديمه صحيح ان الاثاث جديد .. ولكن تصميم الفيلا قديم جدا تحس كأنك

في شقه من الشقق المصريه اللي نشوفها بـ افلام عادل امام

قلنا ما عليه اهم نقضي هالثلاث ايام على خير

و اساسا السعر عجبنا .. والفيلا واسعه وفيها 4 غرفه وصاله و ديسكو ارضي ..

المصيبه وين .. كازابلانكا .. زحمة لا تطاق وناس رايحه و وناس جايه

نسخة كربونيه من مدينة بومباي بالهند

لا يجيني واحد ويقولي كازا تصلح للي يعرف لها .. انا كـ سائح ابي مدينه ارتاح فيها من اول يوم مو من رابع او عاشر سفره

مع احترامي وتقديري لناس كازا بس من جد ما تصلح

قضينا اول ليله في البلاك هاوس وكان تقريبا 50 بالميه فاضي

اليوم الثاني رحنا المقاهي اللي في التوين سنتر فوق وما عجبنا الوضع وكلمنا السواق وقال نروح عالديوان احلى وافضل

وبالفعل رحنا وكان عااامر بالجنس الناعم .. ولكن شيشتهم لك عليها .. و الوضع هناك نص نص ..

ومن بعد رحنا نسهر الـ vip كبير وو اسع عالفاضي والمطربين كل اغانيهم من ايام السبعينات يعني اللي مو شبعان نوم يروح يسهر هناك

اليوم الثالث كان يوم الهروب الكبير للمطار والعوده للديار .. ومعانا السواق اللي كأنه احد محلفه ما يزيد السرعه عن الـ 100

يا محمد زيد شوي .. و ماعنده غير رد واحد ( البنزين غالي )

طبعا هذا اختصار لللي صار في اكادير وكازا ما حبيت اذكر كل التفاصيل لان التقرير قديم و ناسي بعض الاحداث

عموما انا للحين اعتبرها اجمل رحله لي للمغرب بالرغم من المضايقات اللي حصلت ولكنها تبقى الاجمل

واحلى تحيه للمزاعيط

__________________
i am a very private person, yet i am an open book
if you dont ask... i won't tell