قبل أسبوع بعد إجتماع عمل، اشتهيت شاهي.. فيه سخان صغير كهرباء.. و فيه براد صغير.. لونه أصفر، تميز البراد ذاك بآي مكان بالعالم.. و ما تشوفه إلا عندنا.. شكله هو اللي يخلي الشاهي طعم:

خليت الماء يغلي.. وزنت السكر و ما كثرته لأني ابضيف حبق.. ما يصلح السكر تطبخه واجد، أول ما يختفي من المشهد طف النار.. بعدها حط اثنين ربيع ورق.. لا تفتح خيطه: اجدعه جدع..
خلهن بجنب بعض كأنهن قارب..
بعدها لقم القارب بورق شاهي ربيع كبير ما يصلحن الحبيبات..

النار/الكهرباء طافية، بس خل الشاهي يخدر منه.. خمس دقائق لا تكثر، الحين وقت الحبق: قليل ما يكثر الحبق قوي و يحلي.. أوله لك بكأس اشربه و الباقي زله بحافظة لك و جلستك..

ليلة السبت تعادل ليلة الخميس.. البراد وسط و الكيف: يا غالي الأثمان و صوت محمد

جمعتي تباركت و ليلتي كذلك بلقاء الأصدقاء.

//

الوزن بالغالب باليد اي شئ توزنه: سكر.. بهارات.. قهوة.. هيل.. ثق بعينك و إن طمعت عينك لا تعطيها اللي تبي خصوصاً: الملح، السكر، و الهيل.

البهارات كثرتها تخرب ذائقة لسانك و تطعمك: للأشياء نفسها.. مثل بقية حواسك، تخليك تتلذ بالوجبة على حساب كل شئ بالوجبة على حده.. الطباخ الغير جيد: يكثر بهارات و المتذوق غير الجيد ايضاً.

السعودية+