طبعا يا اخوان الشكر لله سبحانه وتعالى
ثم للاداره الراقيه في تعاملها مع اعضائها ويمتد الشكر للمشرفين القائمين على هذا الصرح الرائع ولا انسى اخواني واخواتي الاعضاء اللذين هم اساس المنتدى
بعد ان سمحت لي الاداره بسرد تقريري عن رحلتي لتركيا والتي كانت في الاسبوع الماضي راح اكتب كل شي حدث معي في هذه البلاد العريقه والتاريخيه
يوم الاربعاء قبل الماضي وانا في المكتب الموافق 20 ابريل وانا جالس قبل صلاه الظهر الا المدير جاء عندي وقالي يا .... عندك شي ولا فاضي ؟
قلتله لا اضي قالي تسافر تركيا ؟؟؟؟
قلت في نفسي وليه لا اشوف بلد جديده واتعرف على ناس جدد .
قلتله اوك متى السفر قال اليوم في الليل : (710):
اليوم ايه اليوم قلت طيب متى الرحله قال الساعه 2 الفجر وراح تحصل واحد يستقبلك في المطار عند وصولك وتنتظروا في المطار اللين يجي القروب في الطياره اللي بعدك بساعه وتستقبلهم
المهم قلت اوك واروح اجهز اغراضي وسريع سريع مع اني اكره هذا الموضوع في السفر انا من الناس اللي اجهز لسفرتي قبلها بفتره
اخذت تذكرتي وشنطتي واروح على بيت اختي عشان قرب المطار واتفرج هزيمه البرشاء واخرج وانا زعلان وعلى المطار اقلاعي الساعه 2 الطياره طلعت الساعه 5
في ذي الاثناء تعرفت على انسان محترم جدا حيكون له يوم في قصتي
رغم اني ما احب التعرف بذي الطريقه بس والله اني اتشرفت بمعرفته
طبعا وصلت متاخر القروب كله مشي وانتظر فين السايق فين اللي راح يوصلني والله مافي احد طبعا انا تعباااااااااان والساعه كانت حوالي 8 ونص والله لايهينك ليموزين وعلى الفندق اخذت الليموزين بحوالي 180 ريال طبعا بعد ماصرفت فلوسي واخذت لي سريحه من المطار
طبعا ما ابغا اقولكم قد ايه الجو خيالي وكان الجو مايل للبروده سبحان الخالق خضااااار وجمال وجو وغيوم الحمدلله على كل حال
وصلت الفندق لقيت انو القروب لسا ماوصلوا لانوا اخذوهم في جوله سياحيه استكشافيه
اخذت غرفتي كانت احلى اطلاله على الركنيه وفندق 5 نجوم ممتاز جدا في منطقه تقسيم واحلى نووووومه
صحيت حوالي الساعه 2 على الغداء وقابلت القروب واتغدينا في الفندق ورجعنا عشان ننام والموعد الساعه 8 في الليل انا نزلت واستكشفت المكان اللي جنب الفندق واشوف الطيور الحلوه ورجعت للفندق ونمت لين الساعه 8 اتجمعنا ورحنا لمطعم في وسط البلد عشان نتعشى وبعدها رجعنا للفندق طبعا فيهم اللي طلع نام والباقي قلنا لازم نسهر من اول يوم حقيقه اسوء شي في تركيا السهر كله نصب في نصب لفينا كم مكان بس نتفرج ورجعنا لغرفنا الدافئه مع شده البرد لكي نناااااااااااااام
اشوفكم لمن اصحى
__________________
اللي ذبحني يا اخوك جوج هكا بلازااا *** مزيان كيداير وبالزاف وشكون