ونكمّل التقرير السريع
" اليوم الثاني "
صحينا من النوم وإجتمعنا بغرفتنا تحاسبنا في بعض الامور واولها السيارة كانت يوميتها 250 درهم عن طريق خوينا الثالث
مدري بصراحه من وين مستإجرها .. بس ما كانت ذاك الزود فيها رجّة والموتر لك عليه بس توفرت سيارة ما كانت بالحسبان
ولا التخطيط كلها كان تكاسي ..
وبما اني للحين ما طلعت شريحة مغربية وجلست بدون جوال ليله كاملة .. ازعجتهم ع الشريحة :D
وسوينا شيك اوت وعلى طول اقرب محل اتصالات المغرب .. طلعت شريحة بـ 170 درهم تقريباً لـ ايفون 5 حق 10 ايام نت واتصال
خويي طلعها من المطار بـ 300 درهم .. فـ إنضحك عليه ورفعت ضغطه شوي بهالسالفة .. ههههههه
وخلصنا من الاتصالات رحنا للمحطة شرينا تصبيرة .. دخلت ادور لوزين ما حصلت : (
خذينا اشياء بسيطة للطريق .. وتوكلنا ع الله ومشينا
وفجأه بنص المشوار بنشر علينا الكفر .. ههههههههههههههههه انا قايل السيارة فيها رجّة ومانيب مرتاح
خلال دقيقتين ضبطنا الكفر وكانت ورانا سيارة السلامة للطريق مدري وش وظيفتها بالضبط اتوقع للمساعدة
وبعد مراكش تقريباً يلقطنا الرادار خوينا كان مسرع شوي ونوقف .. وسوا لنا الدرك فلم هندي ع اوراق السيارة منتهية وعلى السرعه وان المخالفة بـ 700 درهم
دهنّا سيرة بـ 100 درهم قلنا له بجيبك احسن من 700 بجيب الحكومة وتبعها بـ إبتسامة ومشانا ..
ومع السوالف يعلمنا خوينا الثالث عن الطريق القديم من كازا لـ اغادير كان سيد واحد ومتعب .. والطريق الجديد اللي ماشين عليه كيف اريح من الاول ..
و وصلنا بـ اغادير حسيت انها شَرحه شوي احسن من كازا الكئيبة مع اني ما اقدر احكم عليها لأني جلسه فيها نص يوم بس ما ادري ما ارتحت
ورحنا لـ المرجان تقضينا فيه مقاضي طلعت اكثر من اللازم وكانت تكلفتها بـ 1900 درهم تقريباً
وبوقت احنا نتقضّى فقدت خويي .. اثاريه شاف له شوفه وعنّد إلا يجيب راسه .. قلت له يا حبيبي تراك مو بمجمعات السعودية ههههههه !
المهم يوم خلص منه ما فارقته الابتسامة طول اليوم من الحماس بغى يحاسب : )
طلعنا من المرجان رحنا لـ فندق اطلس مارينا وقرر خوينا الثالث يكنسل حجزه بـ اماديل وياخذ غرفه جنب شقتنا لأنه كان مسافر لحاله
دخلنا ع الرسبشن وقلنا له عندنا حجز عن طريق محمد عاطي وكذا ..
قال انتظرو .. ونشوف إللي داخله وطالعه ياخذون بطاقاتهم ما حبيت الوضع ابداً حسيت فيه شيء مو مرتب !
المهم خذينا اول عمارة مقابل الرسبشن ع طول .. دخلنا للشقة وريحنا وخذينا لنا دش ونزلنا اغراضنا ..
الشقة كانت من غرفتين حليوة مش بطالة رغم ان الكنب شوي وصخ .. تقييمي للسكن 6/10 بسبب النظافة ولا المكان وموقعه رايق
حسنا شوي بالشقة وطلعنا ع المغربية كان الجوع مسيطر علينا .. مشينا ع الكورنيش ع اساس ناكل بمطعم القلعة اللي طلع مقفّل للتعديلات
رحنا للمطعم اللي جنبه كان اسمه بيت المشاوي .. طلبنا مشاوي تقريباً 3 صحون وكان الحساب حول الـ 340 درهم
الاكل الله يديم النعمة ما عجبني ابداً .. بعدها تمشينا شوي بالمارينا مع مضايقات الشحّاذين ومر الوقت بسرعه لأنه اول يوم لنا بـ اغادير وراح نصه بمشوار الطريق ..
تقهوينا بـ روتانا اللي كان شبه ميّت وما كان مثل اللي تخيلته صغيييير جداً هههههههه .. وجاء ضيف صديق قديم لخوينا الثالث تقهوينا سوا شوي .. وقررنا نمشي انا وخويي ونخليهم ع راحتهم .. رجعنا للشقة ريحنا شوي وبدلنا وكشخنا ونتجهز للسهرة
راح خوينا الثالث حجز طاولة في دسكو " سكاي " اللي مقابل شقتنا بالضبط كانت تقريباً بـ 1700 درهم مع المشروب غير شاملة حساب الطلبات ك الشيشة وغيرها
ع الساعه 11 ونص دخلنا سكاي .. وجلسنا بطاولتنا الموقرة .. وكان الجو بدايةً حليو
شطحة / نسيت اتكلم عن سالفة خويي والفلم اللي صار معه بالمرجان مع صاحبه .. طلع فيه لخبطة بالرقم او بالتواصل معه عن طريق الواتساب
فـ انبعص جو خوينا شوي ..
وبنص السهرة وبالجو الحلو .. خويي شاف له شوفة من بعيد قال بس بروح اكلمه .. ويوم راح له ورجع الابتسامة شاقّة وجهه !
يا فلان وشفيك ؟
قال اللي رحت له طلع هو اللي بالمرجان .. هههههههههه قلت كويس روّق مزاجك الحين ..
وكلن مع صاحبه إلا انا وحداني وكنت مبسوط والجو عاجبني كذا .. وكنت في محل أنظار البعض لأني واضح جالس وحداني : (
وفريسة سهلة ..
وعلى اخر السهرة دخلو 3 واحد منهم جات عيني بعينه وجلس بالزاوية كان هو الأجمل والانعم والاكشخ بهالليلة فـ أبت مروئتي إلا اني اروح له واكلمه
.. رحت كلمته والامور بالسمبتيك وخلصت السهرة ورجعنا لـ الشقة التعب ولا ننسى الجوع اللي داهمنا فجأه .. طلبنا عشاء من المارينا
تعشينا وسهرنا شوي بالشقة ونمنا ..
العشاء كلفنا تقريباً 400 وشوي وكان شبه كويس ..
معليش طول التقرير بعذرب بالاكل لأن ما عجبني اكلهم ابداً .. هههههههه فـ تحملوني ..
وإنتهى اليوم الاول اللي كان مُتعب من ارهاق السفر والطريق والسهر " وبنشر السيارة " : (