" اليوم الثاني "
صحيت العصرية من أحلى نومة او اقدر اقول نمت صح من جيت من السفر .. وحصلت الشباب مصحصحين من بدري ما شاء الله و وحدانيين
خذيت لي دش وصحصحت وروّقت وأكيد الجوع عامل عمايلوه ..
شار علينا خوينا الثالث بمطعم " الاسماعيلي " وقلنا له : تم
نزلنا وعلى سيارتنا ومشينا للمطعم .. شكلاً كان المطعم عادي وبسيط وكان مليان خليجيين وكلّن مع صاحبه متهني
اللي وجهه مفقّع نوم واللي جالس ينصب ع اللي معه .. واللي مقرود من اللي معه ..إلخ
إلا انا وخويي مصحصحين ومتحمسين للديرة ..
اول طلب طلبته شوربة حريرة كانت حليوه .. وطلبنا مقلوبة دجاج على برياني دجاج وصالونة دجاج ومشروبات
كلفنا تقريباً 300 درهم وشوي .. الاكل كان طيّب للأمانة
اعطيه 6/10 بسبّة الخدمة والنظافة .. لأنهم ياخذون رسوم ع الخدمة ع وش مدري !
تغدينا وشبعنا اللهم لك الحمد وتبطّحنا شوي وصاحبي جاء تغدى معي واقترح علينا نروح لـ مقهى قولدن ب فندق اماديل حول المطعم قريب
رحنا له .. ومره وحده مريت مكتب المؤيد حجزت رحلة داخلية من اغادير لـ كازا طلعت علينا انا وخويي بـ 2700 درهم تقريباً
رحنا للمقهى وتقهوينا وشيّشنا كان الجوو رايق وعلى الغروب .. شوي داهمونا اصحاب صاحبي وتزين الجلسة
وضحك وحش وسعة صدرر .. لين مشى الوقت بسرعه بدون ما نحس فيه
اتفقو الشباب مع الشلة يسهرون بـ مخيطو .. وقتها تخوفت من " سيمو " ع كثرة الكلام اللي جاء عنه .. لكن طلع ماله شغل بالديسكو
صار تبع المقهى ..
واللي ماسك مخيطو الحاج يوسف مدري وش اسمه ..
المهم الزكرت صرفو نفسهم راحو الصالون .. واحنا رحنا تعشينا بـ ماكدو وبعدها تمشينا شوي بالمارينا وعلى الشقة
وجلسنا انا وخويي نشحن بهالجوال وخوينا الثالث راح يحجز طاولة بمخيطو ورجع لنا الا احنا جهازين ومتزكرتين ع الاخر ..
رحنا لمخيطو وكانت الطاولة حول سعر طاولة سكاي كلفتنا مع طلبات الشيشة بـ 2200 درهم تقريباً
ما عجبني جوّه ابدن .. خاصه المطرب اللي يغني فيه يفقع الكبد .. بعص جويي
اشتغل الدي جي وروقنا المنجا لـ الساعه 3 وانتهت السهرة ..
واقترحو الشباب نكمل بـ سهرة ثانية بـ اطلانتيك .. خذو ربعنا طاكسي ولحقونا هناك
خذينا طاولة بـ 1600 درهم مع المشروب .. وكانت السهرة رايقة والديسكو كان رايق جداً
لكن جوّه لازم يكون معك أحد ..
وسهرتين ورا بعض الكل جوه زان وانبسط ورجعنا للشقة والشلة رايقة ..
طلبنا عشاء من المارينا كفته ع مدري وش كلفنا 400 درهم تقريباً
وبعدها أحلى نومة خاصه بعد إرهاق سهرتين .. وبكذا إنتهى يومنا السريع ..
تقاريري بتكون قصيرة لقصر رحلتي و سريعه توافقاً مع يوزري هنا : )
واعتذر عن التأخير بداية برد وانفلونزا