لي صاحب داره غرام أبرق الريش
وانا جنوبي شيب راسي وعيني
يابوي تكفى كيف بالله باعيش
والفين كيلو بين خلي وبيني
والفين نقطه والف مركز وتفتيش
والشوق حمله والبلاغ الونيني
وان جيت اتلفن جاء بالارسال تشوش
والوصل شفي والظروف تحديني
لكن على الله بكتب القاف واطيش
عله مع الركبان ياصل ظنيني
سلام للي كفها مابعد نيش
من غير محرمها وعلمي يقني
سلام من قلبي لقلبك وبشويش
ياصل لقلبك وين ماتحتريني
لام الحلا والزين والملح والعيش
بينى وبينك مقبلات السنين
ماانساك والله لويتمَر نخل بيش
ويعود للسنه حياة الخميني
ولا انساك والله ياحبيبي وحتى ايش
تعشق بنات الغرب لحن الهجيني
وان قاله الله لاعطي الحظ بخشيش
واجيك ساعه واحيي الشوق فيني
بعدك عذاب يجرح القلب واعيش
على الرجا ويدوم بينك وبيني
ودعتك الله وانتبه لابرق الريش
لاحدٍ يحوف الصيد يانور عيني