رد: تقرير عن سفرتنا لدار البيضاء ( كازا بلنكا )
الان نكمل
صحيت انا تقريبا الساعه 10 صباحا والخوي يشخر تروشت ونزلت تحت الوبي افطرت وكان من ظمن السكن افطار مجان ما فوته ههههه بعد الفطور رحت شريت شريحه مغربيه و علي طول رجعت الغرفه والى الخوي بعد نائم تروشت وصحيته قلت قم مشينا قال بفطر هههههه قلت انا بتروش لين تفطر المهم بعد رجعته دقينا على صاحب التاكسي الابيض والا ثواني زي الجني اثرها تحت يتحرانا هههههه سوينا شيك اوت من الفندق وشلنا الشنط وانا وصاحبي في شد وجذب انا اقوله نسكن في فندق فال انفا وهو يقول شقه . قلنا نشوف الشقه اذا ما صلحت نروح الفندق وقلنا لسواق تعرف شقق قال الى تبون عندي قلنا يا سلام قدام . المهم الكلام ذا تقريبا الظهر يمكن الساعه 12 ومشى فينا الانطباع عن كازا الصباح زحمه عشان نص البلد والمهم ودانا شقه في شارع محمد الزرقطوني على اخره تقريبا وعند الشقه خدمات على كيفكم مطاعم وانت في الشارع تشوف المحيط يلمع لمع وقريب من عين ذياب وقريب من مسجد الحسن . وصلنا الشقه انا شفت الشغاله في نص عمر تقريبا الشقه حليوه انا عجبتنى غرفتين وصاله كبيره ومسجل شقه فله بس الخوي ما عجبه الاثاث قال وين نسكن هنا . قلت له اهم شي الطيور وشفيك انت حنا جايين نترزز هنا الشغاله شكلها لها خبره وانا عجبتنى في النقطه ذي بس الخوي اصر لا والف لا . المهم قلنا لها بنشوف كذا شقه وبعدين نقرر وش ناخذ زعلت وبرطمت بس مشينا ههههههه راح عليها زباين الشقه تقريبا ب 1200 درهم انا صراحه عجبنى الموقع بس الخوي ما جاز له بعد المهم قلنا لسواق ودنا غيرها . قال في شقق جديده بس اخر شارع الزرقطوني والعماره نظيفه قلنا ودنا خلنا نشوف وكله بحسابه حنا صراحه ما اتفقنا معه من البدايه بس مرمطانه مشاوير لين داخ هههه اتصل هو على راعيه الشقق قالت باقي عندي شقه فاضيه تعالو شوفها . وصلنا العماره الا ونشوف شقه سوبر ديلوكس سراميك تلفزيون ال سيدي ومطبخ يشرح وبلكونه مطله وغرفتين بس مشكتها صالتها صغيره . قالت بكره بتفضي عندي شقه ثانيه الصاله كبيره قلنا بس يوم واحد قالت اوكي . المهم اتفقنا معها على 1200 والشغاله 100 درهم .
كل السفريه قضيناها في هذي الشقق . المهم عطيناها عربون وراح خويي يجيب اغراض المطبخ مع صاحب التاكسي وانا جلست في الشقه .
حاولت انام ما جاني نوم وجالست افك الشنطه واحط الملابس في الدواليب بعد ساعه تقريبا جاء خووي محمل با اغراض المطبخ كلها من الخبز حتى اللحوم . بيض الله وجهه .
عطينا الشغاله ترتب اغراض في المطبخ وطلعنا عين الذياب على اواخر العصريه
تعبت نكمل وقت ثاني
:Abu Ahmed (111):