مزاعيط المغرب - السفر الى المغرب - عرض مشاركة واحدة - التجربه المراكشيه .. تقرير مصور ومختصر ( update 06-01-14 )

Oscar

المشاركات: 2,547

تاريخ التسجيل: Jul 2010

الدولة: marrakech

العمر: 39

2013-12-12, 03:35 PM

مرحبا بالجميع ..

السياره اللي اجرناها برحلتنا كانت فولكس واجن طوارق موديل 2011 بسعر ( 800 درهم ) باليوم

نفس هذي بس اللون سلفر رصاصي ..

من مكتب الاخ سيمو بالرباط .. طبعا استلمنا السياره من سيمو بمطار محمد الخامس بالدار البيضاء

سيمو الحبيب ما اخذ منا اي شي غير مبلغ ايجار السياره كامل .. و وقعنا على العقد وما اخذ اي ضمانات
وللعلم السياره تأمينها شامل ..

طلعنا من المطار و الوجه مراكش

وعلى اقرب محطة بنزين .. عبينا السياره فوول تانك بـ 820 درهم ( ديزل )

المميز بالسياره انها تحمل لوحة ارقام الربــاط .. وهذا ميزه بمراكش

اغلب الدركيين اللي يتصيدون الخليجيين يبحثون عن لوحة ارقام الدار البيضاء او لوحة ارقام جديده ww

بحكم انك مأجرها من المطار واغلب سيارات مكاتب المطار تحمل ارقام الدار البيضاء ..

وهنا فكره شامله عن الارقام بالمغرب وكيف تعرف رقم اللوحه من أي مدينه :

هذي لوحة مغربيه :

لاحظ عاليمين يوجد رقم ( 34 ) .. من خلال هذا الرقم تقدر تتعرف على المدينه اللي سجلت فيها السياره ..

والارقام تبدأ من 1 ولغاية 72 . . راح اذكر ارقام ابرز المدن المغربيه .

*الرقم 1 للرباط المدينه .

*الرقم 2 و 3 لسلا .

* من الرقم 6 ولغاية الرقم 13 الدار البيضاء ( كازا ).

* مراكش الرقم ( 26 ) و ( 27 ).

*33 و 34 و 35 لمدينة اكادير.

* طنجه واصيلا الرقم ( 40 ).

* الناضور

( 50 ).
* آسفي (54 )

* الجديده ( 55 )

تقريبا هذي ابرز المدن ..

نكمل .....

مواقف مع الدرك والشرطه في شوارع مراكش :

الموقف الاول مع نقطة التفتيش الدائمه اللي بمدخل مراكش ..

طبعا بحكم سكني بالروز قاردن يعني لازم بكل طلعه امر على هذا التفتيش .. اول يوم مريت بدون اي توقيفات

ثاني يوم وقفني قالي انت مخالف .. قلت له شنو المخالفه .. قالي لما تشوف تفتيش لازم تخفف من بعيد وانت جاي مسرع ..

عطيته اوراق السياره + رخصه القياده .. وقالي هالمره اكتفي بتنبيهك .. وعديت بدون مخالفه وبدون اكراميات ..

ثالث يوم جبت العيد

بعد ما عديت التفتيش عملت يو تيرن ابي ارجع للروز والمفروض اوصل للدوار والف وارجع

على طول جاني الدركي و وقفني عطيته الاوراق و الرخصه .. قالي انت من شوي مريت وكان معاك عائله .!!

وانا وبذهوول قلت ايه انا اللي مريت قبل شوي ومعاي عائله .. قالي اللي سويته مخالف مفروض توصل للدوار وتلف

ورجع اللي الاوراق والرخصه و عديت بدون مخالفه و وبدون اكراميه ههه .. الحمد الله..

المهم الجماعه يوميا صرت امر عليهم والامور سهالات .. من ثالث يوم ولـ اخر يوم بالرحله ولا يوم وقفوني ولله الحمد ..

الموقف الثاني حصل مع شرطي في شارع محمد الخامس :

كنت ابحث عن موقف وما لقيت غير موقف واحد فاضي جنب البيتزا هت

دخلت بالسياره لشارع فرعي .. شوي ويجيني وااحد بلبس مدني على دراجه ناريه قالي

عطني اوراقك واللي سويته انت تلاعب بالقانون .. قلت له هدي يا رجل انا دارس قانون ورجل قانون مثلك ( طبعا كذبه ) هههه

قالي رجل قانون و ما تحترم القانون .. قلت له عقوا انا اللي سويته تقدر تقول عنه جهل بالانظمه المروريه وليس تلاعب على القانون

قالي انت عندك رخصه المفروض تكون عارف الانظمه المروريه..

قلت له : يا اخي النظام المروري ونظام القياده عندكم مشابه للنظام بفرنسا يعني المفروض تلزمونا ناخذ رخصه دوليه

لان النظام المروري بالخليج يختلف كليا عن النظام عندكم .. المهم بعد شد وجذب قالي راح اخالفك ..

عطيته 100 درهم وقلت له خلنا حلوين افضل خصوصا اني كنت متأخر عالشباب ينتظروني بالمطعم ..

وبخصوص البنزين .. صحيح عبينا الطوارق بـ سعر غالي شوي 820 درهم ولكنه كفانا 13 يوم بالضبط

وما خلص الديزل الا في اخر يوم .. بالطريق للدار البيضاء ( المطار ) رجعت عبيت ..

يعني بنزين السياره ما كلفنا غير 1100 درهم لـ 14 يوم .

عيوب السياره :

1_كبيره نوعا ما .. كنا نواجه صعوبه بالمواقف .. خصوصا في الاماكن اللي فيها زحمه .

ايجابياتها :

1_ تحمل ارقام الرباط والغالبيه يعتقدون انها ملك وليست ايجار وخصوصا الشرطه.

2_ متعه كبيره وانت تلف وتفتر بشوارع مراكش بسياره دفع رباعي

ونلتقي في الجزء الخامس ( زيارة ساحة الفنا ) قريبا .

__________________
i am a very private person, yet i am an open book
if you dont ask... i won't tell