الوفاء طبعي ولاحب الصدود
ومن يوافيني انا اوفي معه
وان وعدت اصدق ولا اكذب فالوعود
وان حكى فيني عذول مسمعه
وكل مبداء طيب له عندي ورود
حالفً درب المهانه متبعه
ومن سأل عن داري هي دار السعود
كل خيراً من بلادي منبعه
يحترق دمي ولاحب البرود
واقدح برايي ولانيب امعه
ديني الاسلام مادام الوجود
اقتدي بسيرة نبي والاربعه
الكرم ورثي ورثته بالجدود
لالفاني الضيف بابي مشرعه
يشرب الدله وكبشً عقب عود
دون ضيف الله مالي مجمعه
ومن تبشربي فيبشر بالسعود
ماعليه الا يأشر بصبعه
ومن يقدم ورد اقدم له ورود
وان بكى في يوم امسح مدمعه
M