مشتاق للمغرب وانا توني جاي
والله يصبرني على حر شوقي
من يوم قفينا وانا مثقل خطاي
ماكني أمشي كن هالأرض فوقي
ماعاد تطرب هاجسي نغمة الناي
ماغير طاري الحب يطرب طروقي
من فقد غالي ماخذ القلب برضاي
قفيت عنه وخافقي له يتوقي
والله ماني هاجره ساعة إقفاي
لكن تلزمني لغيره حقوقي
ودعته الله واللقا كل رجواي
يالله عسى ما شر عنه يعوقي
وأصبحت بعده وجهتي مع مصلاي
وجهي مغيب وعفت وجه الشروقي
أتخيله صاحي..وفي لحظة إغفاي
آشوف طيفٍ منه بالي يروقي