افتــــح لدنيا السعد ياصاحبي بـــاب
واقفـل ابــواب الهم يرتاح راسك
وش فايدت قلبن من الهم منــصاب
وش فايـــدت تلعن ابـــو جد ساسك
الهم خلى فــــكرك اليوم بغيـاب
الــهم يامسـكيــن شتــــتك حاسك
ماطاب نومك لا ولا فرِح لك طـــاب
تـصب من زود التعــب وسط كاسك
الهم واضح والتعب لك تــرى عاب
وشاهــد كــلامي تسأل اليوم ناسك
خلــــك على ماقيل للهم غــلاب
لامـن لفــاك الهـم يــشــتد بــاسك
اضحك ترى همك اذا تبتــسـم خاب
اضحك ترى الدنيا فداء اليوم راسك
لاتحسب لدنياك ياصاحبـي حســاب
خل الســعد ياصاحبي هو قياسـك
العــمر واحــد للهنا افــتح ابــواب
وعيش بحياتك وابعـــد الدوم ياسك