ياصاحبي لا تشكي الوقت و الحال
خل الذي في قلبك اليوم خافي

ما كل حكيٍ يا ابيض القلب ينقال
و لا كل عمرٍ من شقى الحال غافي

رح و اشتكي للي له الكل رحال
و ارفع كفوفك له ترى الله كافي

و اعرف ترى كلٍ من همومها شال
و لا عاد شفت اللي من الهم صافي

ما انت الوحيد اللي شكى الوقت و الحال
و ما انت الوحيد اللي له الوقت جافي

اكذب عليك ان قلت لك خالي البال
ياما مشيت الدرب و النور طافي

خذني يمينك وابشر بذرب الأفعال
لأمشي معك لو وين كان انجرافي