انقاد لك والهوى ما زال
يذبح قلوب .. الهواويـّه

ما بين صيت الفخر والآل
مواقف اهلك .. بطوليـّه

وما بين وجهك وليل الشال
الشمس تضحك على الفيـّه

على يديك الحلا يختال
خذيت عرشه .. و كرسيّه

سلّم على شفّتك لا سال
ريقك على الجمرة الحيّـه

أخذت من دلّتك .. فنجال
يسوى ثلاثين .. بريـّه

طاريك لا مرّ سيحة بال
و فرقاك كيّه على .. كيّـه

وانا من الجال لين الجال
عليك اصفّق .. بـ كفيـّه

واجرّ صوت الغلا موّال
و يلاحي الصوت قُمريـّه

ما بين لهفة لقا ووصال
لا دقّ رقمك .. بـ عفويـّه

تقبّله .. شاشة الجوال
و اقبّله .. لجل راعيّـه

اضيع لا قلت كيف الحال ؟
بـ البحة الغير .. عاديـّه

لا تشره ان كان صمتي طال
بحّتك تبحث .. خوافيّـه

الحب ما عذرب الرجال
والله يعلم .. وش النيّـه !