رد: تقرير عن سفرتنا لدار البيضاء ( كازا بلنكا )
عدنا
صحينا من النوم على صوت الشغاله المزعجه بس شغاله صغيره سن وسنافيه وامينه جدا جدا جدا والمشكله ما تعرف تسوي كبسه تقول ما تعرف تسوى الا اكلات مغربيه بس كبسه ما تعرف قلنا لاحول تصدر خوي للكبسه يسويها وكل يوم تطلع ماصخه بس وش نسوي الا الرز شي اساسي . المهم صحينا وقلنا لشغاله تسوي الفطور قامو الطيور الى معنا افطرنا على البلكونه فطور رهيب صراحه بس عندهم خبز مدري كيف منتفخ حنا متعودين على الخبز العادي او التميس بس يالله .
ودعنا الطيور وقلنا لشغاله بننتقل لشقه الكبيره قامت تهايط قلنا عطينا عمتك اتصلنا عليها قالت عطونيها كلمتها وفتحت لنا الشقه الثانيه شقه غير شكل الصاله كبيره جدا . وغرف نوم كبار غرفه بالحمام حقها وغرفه ثانيه الحمام مشترك بس رهيبه انا طبعا نطيبت على الغرفه الكبيره ههههههه نذاله حتى الطيور يوم كانو يجوون لخوي يقولون له ليه ما اخترت الغرفه الكبيره يقول سبقنا عليها عكاشه ههههههههه .
الشغاله مسكينه انكرفت قامت تشيل كل الاغراض الى جبنها امس من السوق اغراق المطبخ كرفناها كرف هه بس خلها تحلل الميه درهم .
تزهب الخوي لتصليح الكبسه الماصخه حقته بس الشكوي لله ما الى الا امدحه واقول شي عشان لا يبطل وما عاد يسوي ونرجع على الاكل المغربي الى انا جدا ما هضمته .
انا جلست في الصاله مشغل التلفزيون وجالس ارعي من المكسرات والخفايف اتحرا الغداء تقريبا على الساعه 2 الظهر
وشوي الى يدق الجرس طن طن . ووقف ما احد فتح والا بعد شوي طن طن وانا جالس افصفص واشوف التلفزيون ما انى حول الباب والا جاني الخوي بالمغرفه يقول ليه ما تفتح هههههههههه . قلت اكيد البواب فلوس وطنشته المهم فتح
والا ذيك الطيور الصغار الاعمار على 17 سنه شي يفقع الحصى مسويات علطانات بس على مين قلت للخوي اسحبهم المهم دخلناهم الشقه .
وانواع الاستهبال والضحك حنا جبنا كرزين دخان والطيور يحبو المهم شافو الكروز وفكو مره عطينا كل واحده بكت هههه ويجلسون معنا فوق ثلاث ساعات ضحك وناسه شي فوق الوصف .
غداء الخوي تاخر نسي الغداء وجلس معنا وقلبناه اتاي وفصفص ودخان ووناسه . المهم الخوي اعجب بواحده منهم قلت وش تبي فيها باقي بنت وصغيره قال ابيها قلت براسك والمشكله جلست معه كل السفره ههههههه .
المهم راحو الطيور يقولو مرتبطات وواعد خوي الطير يجيه اليوم المساء انا الطير الثاني اشكل بس سوالف .
خلص الغداء تغدينا ذاك الرز الماصخ . بعدها خطرت كره ليه ما نستاجر لنا سياره . نزلنا بعد الغداء على شارع الزرقطوني مشي قلنا نهضم حسبنا فيه مكان استاجار قريب الا ونمغط مغط ونسال اخر شي واحد دلنا يقول في شارع يوسف جنب السفاره الامريكيه تلقون اماكن اجار سيارات . المهم تكسرت رجلينا وحنا نمشي لين وصلنا واستاجرنا السياره اربع ايام ب 1200 درهم .
الخوي النصاب يقول ما يسوق الا تماتيك وخلانى انا في وجه المدفع في سواقه السياره . المهم تورطت في سواقه السياره ويوم طلعناها رحنا نلف لف فيها والا شوي وحنا عند فندقنا الاول وشوي والا حنا عند فندق حياه رجنسي يا ولد الديره صغيره وش العلم قمنا نسال وين شارع الزرقطوني دلونا عليها وشوي وحنا عند العماره الى ساكنين فيها . وصلنا كلمنا الناطور فتح القراش ودخلنا السياره جوه تقريبا على المغربيه .
كان من هدف استاجار السياره انا نروح مراكش ونشوف مراكش الى صجونا العالم فيها . وكنا ناوين نروح مراكش في اليوم الثاني بعد استاجار السياره
تعبت نكمل بعدين