سايق الخير ساقك يم عاشق جمالك
لو تأخرت باصبر لو هي ألفين عام
أسفرت وأنورت من يوم شعشع هلالك
فز قـلبي لـفزّك يا ظـبي العـدام
أنزل القلب وأمر ما به الا حلالك
أشـهد انه حظيظ اللي غدالك مقام
ما يسد بمكانك غيرك أحد ٍ بدالـك
باني ٍ لك قصـور و باني ٍ لك خـيام
عقب رمضاء زماني جيت أدور ظلالك
بل ريقـي بقربك عقب طول الصـيام
كل شـي تبـسـم يـوم لامـس دلالـك
وكـل نار ٍ كوتني مـنك صـارت سـلام ..!!