يامكثره الهـرج لا اسـمـع ولا اجـيـب❀
تريحـي مـن فضلك واسمـحـيلــي
تـريـحـي لا تـلـحـقـين الـمـشـاهـيـب ❀
علـى الـردى مانـي شـفـوق عجـولـي
بالعقـل والصبـر ادب النـفـس تـاديـب❀
والا لـهــا مـــده تــصــول وتـجـولــي
والله لا اجـنـب دام لـــي درب تجـنـيـب ❀
مـن شرهـة حشـام الرفـاقـه خجـولـي
لــو انـهــا بـيــن الـنـحـر والتـلابـيـب ❀
مـن الحيـا وجهـي مـهـوب مغسـولـي
طـبــع لـنا نـشــب عـليـه ونـشـيـب❀
وطـبــيــعــةٍ لـعـلـهــا مـاتـزولـــي
عـلـى الجمـاعـه للجمـاعـه مواجـيـب ❀
حتى لو جـهـلـوا قدر الـرفـيـق الهـتـولـي
مانـي علـى ربعـي قـريـب محاضيـب❀
ادنـاه مايخلـيـنـي اســـرج خـيـولــي
ان جات من طيب شقاها على الطيب❀
لـو انهـا اعــوج مــن رقـبـة الذلـولـي
وان جات من مسكين منطق واساليب❀
حطيـتـهـا بـيــن الـثــرى والـنـعـولـي
لاحركـت شـعره ولاطـلـعـت شـيــب❀
ولا ضيـقـت صــدري ولا اتعبت رجـولـي
وان كان في صبري على ميلها عيـب❀
العـيـب تفتـيـش الـصـدر والحـثـولـي
لاقـمـت تـذكـر فــي رفيـقـك عـذاريـب❀
وتـبـيـن عـيـوبــه لــذولــي وذولــي
صبـرك علـى الناس عـلاج وتطابـيـب❀
يـقـصـر حـبــال السـالـفـه لا تـطـولـي
حتـى مايلـقوا فــي طرفـهـا مقاضـيـب❀
كــراه خــيــر وللـمـشـاكـل مـيـولــي
والـيـا بلـيـت بتـايـه شــره وصـعـيـب❀
يقـول انــا الـعـراف وانــت الجهـولـي
قــــل الله الله يـاحـصــان الاطـالــيـب❀
يالـفـاهـم الـعـالـم عـطـيـب الفـعـولـي
هـذا الكـلام اللـي مافـي صحتـه ريــب❀
لانـي بحـولــك ولا انـتــا بحـولــي
خلـوها تروح تخطـي الــدرب وتصـيـب❀
تقـول ما بالـنـاس عـرضـي وطـولــي
كـم واحـد تحسـن بـه الـظـن ويخـيـب❀
الـســن يـضـحـك والـفــواد معـلـولـي
واللـي غـدت بـه كلـمـة مالـهـا غـيـب❀
ماهو من اطيب ربعـي اللـي غـود لـي
ومن عادة اللي طيبـه يحضـر ويغيـب❀
لاطـالــت الـرفـقـة زهـوق مـلـولــي
اعـرف تـرى الدنيـا دروس وتجاريـب❀
والكـامل الله والـنقــا لـلـرسـولــي
لاتصـيـر مـشـذاب يـقـص العـراقـيـب❀
خــلــه وراع الاولــــه وش يـقــولــي
اخــذت حكـمـه مــن كــلام اللواعـيـب❀
للـطـيـب نـــاس ولـلـعـذارى فـحـولـي