السلام عليكم ياشباب

اسف جداااااا على التأخير ...
وألف شكر للجميع
كلا بأسمه

وشاكر لكم المتابعة


.. كنا لحظات اشهار
وعدنا

هههههه


عموما ياأخوان
اتوجهنا بعد الفاجعة الى تطوان
ولقينا فندق على البحر

كان المنظر جميل جدا
انما ... انا واخوياي والموظفين

الجو باااارد والدنيا خاوية

وفي المساء اخذنا جوله على تطوان
مدينة روعة

انما ... للأسف
التوقيت غلط


وفي عودتنا لطنجة
والتفكير في سكن غير فندق امنية

لقينا فندق اسمه
( اهلا )
نزلنا... ولقينا الفندق حليو
واللي شجع الشباب اخويياي انه في صالة اغاني عربي
وغربي

وقررنا نجي في الليل نشوف الوضع
ونحجز فيه ثاني يوم

ورجعنا في الليل
الا والله فيه مغني أسمه
( فيصل )
يخرب عقلك يافيصل

بعد الساعة 3 الفجر
كل سياح طنجة متواجدين
لدرجة ماتلقى مكان

الان ... طبعا
الله يستر عيه وين اراضية

وثاني يوم الصباح حجزنا فيه
وبدأنا نتجول في طنجة نهارا


كانت الشقق المعروضة للبيع خلف فندق سولازو
وجهة سوبر ماركت النجمة وحلاق النجمة
بأسعار زهييييييدة
بالنسبة لنا
نقدر ناخذ قروض من البنك
ونشتري
انما الواحد وقتها كان يبغى الرجعة بخير
هههههههه


كان الكورنيش فاضي
واحنا متوجهين على جهة
منتجع ( منار بارك )


الميناء توجهنا له
كان منظر السفن
شئ جميل
ولقينا الرحلات البحرية لاوروبا
فرنسا / ميناء مرسيليا
ايطاليا / ميناء جنوى
ووووو ...

فصلت ورجعت ...

لقينا مشروع كبير على البحر
سألنا عنه
قالوا لنا : فندق للأمير عبدالله ( الملك حاليا )
اللي هو الان فندق ( فندق موفنبيك )
والعهده على الراوي

ورحنا على مغارة هرقل
تستحق الزيارة ... لاتفوتكم
وشفنا قصر الأمير / سلمان بن عبدالعزيز
والمنطقة اللي يلتقي فيها البحر مع المحيط
لاتفوتكم ..
سبحان الله

وشفنا قصر رجل الأعمال / العشماوي
على طريق المغارة
والقصر تلقى امامة
اسود
( طبعا اسود من الصخور )

لاأحد يجي يقول لي
رحت طنجة او كينيا
ههههههههه

وبعد الهجولة
رجعنا على البوليفار
ولقينا مطعم اسمه
( كوميديا )
لازم تنتظر حتى يجهز الطلب
لان كله فريش

وعندي موقف حصل لنا فيه ومااقول لكم الا ... الحقيقة
وعندي ملاحظة ...

الموقف :
طلعنا الطابق الثاني
لقينا في المطعم صورة

صورة شخص مغربي ... ومكتوب عليها
( مطلوب .. الجائزة 10000 دولا )

جلسنا نقول :
والله المغرب مثل الامريكان
يعمموا
وماعندهم يمه ارحميني

وقعدنا نحلل
هل سرق اوقتل او ... او .. او..
الا ... وصاحب الصورة جاي يسلم علينا
ويرحب فينا

بعد مامشي ..
انا قلت ياشباب هذا اللي في الصورة
ومفجوعين
ههههههههههه

والرجال جالس على الكاشير
والناس تجي تسلم عليه

والفضيحة الأكبر
جانا الجرسون
ونقول له : ياخي هذا المطلوب !!
قال لنا : اي مطلوب ؟؟
قلنا له : هذا يااخي اللي في الصورة
قال : لا هذا صاحب المحل

وشوي جانا الرجال بنفسه
يقول : اي خدمة

واحد يقول مافي شئ
والثاني يقول مشبهين
والثالث يقول اسفين

ههههههههههه
الله يقلع الخوف



شوي حزن علينا
وقال انا صاحب المحل
وهذي الصورة انا عاملها في فرنسا

لايكون صدقتوا انه فيه شخص مطلوب ؟؟

والله ياشباب
لقطنا وجيهنا

واعتذرنا منه
وهو اكرمنا
بكل امانة
لانه شافنا
شوي ونبكي

وكان موقف ماله داعي


الملاحظة :
أولا ماودي اخواننا المغاربة يزعلو مني
انما انا راج اقول اللي شفته
هذا والله أعلم ...

( لاحظت بأسم الله ماشاء الله الأخوة المغاربة أكيلة درجة اولى )


كانت الطاولة اللي بجنبنا
فيها عائلة مغربية
مكونة من اب وام وبنتين وولد صغار

أول شئ طبلوا
سلطات

وبعدين طلبوا
اسباقيتي ومعجنات

وبعدين طلبوا الغداء
يمكن 6 اصناف من الطواجن
وماجاورها

وبعدين الديسير ( 4 انواع حلويات )

وبعدين الاتاي وكعب الغزال

واللهم صلي على النبي
الصحون مايحتاج لها غسيل

تقدر تنزل فيها طللبات للباقين

المهم ..
نزلنا على البوليفار
وبدانا نتجول في الأسواق
ونشوف طنجة
اسواق جميلة
وزحمة

ولقينا طاووس يمشي في الشارع
والله تقول شايفين
فيل يطير
ههههههههه


ياانا موب مصدقين
انه فيه طاوووس يمشي
وكل الناس تعدي من عنده
وعااادي

والله لو انه عندنا ... كان الله يخلف عليه
ولقينا فندق اسمه
( المنزة )
شئ خراااافي
والظاهر نزل فيه
( تشرشل )

واخيرا ...
اشترينا صابون مغربي
وقررنا نطلع حرارة السعودية
والطبقة اللي فوق الجلد

وسالنا عن حمام مغربي
ولقينا واحد شكله مرفع
هههههههه

وصف لنا محل اسمه
( حمام البوغاز )
وربي ياشباب
كرهت الحمام المغربي

المحل
كان اشبه بسكن عمال مزرعة على عمال بناشر
وعامل المحل يقول ادخلوا شوفوا
والله يادخلت ...
اول شئ سويته
مسكت البنطلون
قلت ياولد ... انتبه لا ياكلوك الرياجيل
هههههههه

من النهاية .. مكان بالنسبة لي
لازم تاخذ تطعيم ضد جميع الامراض
وبعدين تدخل

المكان كان وقتها وسخ
وزحمه
وكل الرجال جالسن جنب بعض
وهذا يضرب ليفه لهذا
والثاني يبادله نفس الشعور
وماتشوف الا مسابقة
اكثر شعر صدر
ههههههههه

الظاهر هذولي اذا راحوا للحلاق
الحلاق يسأله :
دقن او شعر او صدر
ههههه


عموما .. طلعنا من المحل
وقررنا ناخذ الدش في الاوتيل

وأشكالنا تقول
( يهود بني قينقاع )

وكل واحد منا دفع تامين 500 درهم
للفندق
في حال تم اخذ الدش
وطفحت المجاري ( أعزكم الله )
هههههه


طبعا نهزر معكم




انا عارف راح تقولوا تسوي لنا شريهان في الف ليله وليلة
هههههه



انما ظهري انكسر
ونرجع لكم ... لاحقا


وارجع أكرر اسفي من اخوتنا المغاربة
واللهم صلي على النبي
وعين الحسود فيها عووود