البارحه.. جانا على شان معروف
عقب ما اخذ معروفنآ مآعرفنــا ؟

لامرنا فالدرب مآكنّه ايشوف!!
لكن على ماقيل شفنآ وعفنـا

مانلحق المنّه ولا نلحق حسوف
الطيب موقف... والجمايل هدفنا

نتعب ولو إن التعب غير مخلوف
ولا نحسب حساب للي صرفنـا

ياما تجرّينا على سكة الخوف
وياما تحدينا الصعاب وُوقفنـا

ناقف مع المألوف والغير مألوف
حتى ولو .. إن الزمن ما نصفنا

ياكثر مانقصر عن الزلّه الشوف
نستر ... ولا كنّا من الناس شفنا

وكلٍ على العليا مولّع وملهوف
نارث سلفنا ثمّ نارت .. خلفنا

والذكر يسعى بين الاجوآد ويطوف
يبقى لو ان الموت.. بكره قصفنا

والا الردي كفه عن الطيب مكتوف
وذكره بعد موته .. على طول يفنا

.....