طنجة ... رحلة الربيع القادم ... ارائكم ...
السلام عليكم ورحمة الله
حبايبي المزاعيط والمزعوطات الكرام ,,, حيهم حيهم
حبيب أشارك معكم برنامج سفرتي القادمة ,,, أول موضوع اكتبه ,,, متابع بصمت من بعيد
فالبداية من عوايدي اذا حامت تسبدي وقلبت النفسيه فوق تحت يسار يمين ..... طقيت تكت فجاءه وبدون اي مقدمات وضفيت شنطتي .
عشان كذا دايم تلقاني تقل جني مسافر لحالي .
المهم المره هذي عزمت اطلع مع ان الوضع المالي متدهور الا ان الزعطة لها عواقب وخيمه
البرنامج كالتالي وابغى ارائكم النيره بخصوص المدن اللى راح ازورها
الناقل : الخطوط المغربية . التكت سعرها 2350 ريال قصيتها من فرعهم بالرياض
طبعا من كثر السفرات للمغرب شطبت ارقام قياسيه واخيرا اعطوني البطاقة الذهبيه يعني ادخل اللاونج حق الاولى بتكت العادية
يعني حاجه حلوه للي يسافرون استغلوا عدد المايلز المقطوعه بكل سفره وجمعها يطلع لك شيء تتفيد منه
تقدر تستغلها رحله داخلية او تجمع نقاط لين تاخذ ذهبيه ....
المهم
بعد الوصول مباشرة تكت القطار وعلى طنجة تقريبا ست ساعات وانا هناك
أولا : الفندق الى الان محتار بين عده وجهات
الموحدين جربته من ناحية الحريه والصراحه نظامه تقول وحده فيها حامل بالرابع وطاقها الوحم كل يوم قالبه لك على وجه
أسعاره شبه ثابته غرفه على امع الفطور اللى ماقد اكلته ب 750 الى 800 اذا شديت حيلي
والجناح مع بلكونه درهم 1100
المشكلة المده قصيره وماتستاهل المغامره بتجربه الشقق وهذي تضبط وهذي تخيب
لانني سبحان الله طنجة المكان الوحي اللى مااتجرا اخذ فيه شقه مااادري ليه من الله كذا
اما باقي المدن تجيني حاله انبراشية اسكن باي مكان
رامادا انكور الجديد اذا كان فيه احد جربته
كلمتهم انا وعطاني سعر جيد الغرفه ب 570 لكن حجم الغرفه صغير
ايضا اذا كان احد جرب احد الفنادق التالية ياليت يفيدنا
سيزار
الاندلسيه
سولازور
والانتر مع انه شوي بعيد لكن ماهي مشكله
ثانيا: الحاجه اللى جد افقدها طلعات النهار وهذي المره راح شوي استغل الوقت فاياليت اذا عند اي احد معلومه بخصوص المقاهي وخلافه
ثالثا: جربت المنار بارك والمغاره وغيرها من الاماكن السياحيه ماادري اذا فيه شيء جديد طلع غيرهم لان خبري بطنجة سنه كامله
اللي حاب افيده عن اي شيء يخص طنجة يسال واللى عنده اضافه يضيف او يراسلني على الخاص
للعم هذا اول موضوع ولا اقدر ارسل رسائل خاصه
شاكر لكم جهودكم واتمنى من اهل طنجة مايبخلون علينا