ياصاحبي وإن زاد ظلـم المخاليـق
لاتحسب إن الله عن الخلق سالـي
الطيب يمحى العيب عرف ومواثيق
والا الخطا ماله على الطيب والـي
واللي جرحني بين حدب ومعاليـق
مأخفي عليك انه الى الحين غالـي
ياحلمي اللي مالـك اليـوم تحقيـق
حبك حقيقي بـس وصلـك خيالـي
جرحتني مختـار ياحالـي الريـق
واسامحك مجبـور يـاراس مالـي
صوره ولا يحتاج الإحساس تعليـق
أركض رجا ويطيح صفا ظلالـي
وان كان بيبان المشاعـر مغاليـق
ماهو جديد ان الزمـن ماصفالـي
ليت الهوى جمعه ولا فيـه تفريـق
أوليـت ماللبعـد فالقلـب صالـي
ياصاحبي وان شلت لك فوق ماطيق
فأنا لحالي جيـت وأرحـل لحالـي ....