صد وتغلى واحرق اعصاب مغليك
وش قيمـة الغالــي اذا ماتــغـلا
ابعد وطنشني واذا قلت وش فيــك
قول الهوى لعبه وحـنا انتســـلا
ابيك بارد دم تقهر محــــاكيك
وانا ابتظاهر بالصبــر واتحـلا
وان جيت يمك مد عني خــطاويك
من شيمة المقفي خطاويــه عجــلا
لا تلتفت لـي لو اصوت واناديك
وان طاحت الدمعه ترا العين خجلا
واذا التقينا صدفه وقمت اراعيك
راع بطرف عينك وصد وتعـــلا
وان قلت لك تكفى ذبحني تجافيك
والقلب ياقلـــبي مــن الصــد ملا
قل بدري وطبطب عليه بياديـــك
وتل الخفـــوق بسهم الاعيان تــلا
نذرن علي لابيع هالكون واشريك
يااحلا من السكر يابو عيون نجـلا
ولك العهد لو تحرق اعصاب مغليك
يزود ماينقـــص غلا من تغـــلا
التعديل الأخير تم بواسطة Lover20 ; 2014-03-06 الساعة 10:52 PM