تقول عادت القلوب .....
يامن قسى قلبك على قلب غاليك
مادامني الجارح انا الي بدوايك
لا تحسب ان الجرح مقصود ياذيك
ماعاش قلب حبك اليوم يدنيك
وحق الله مانبي بناسيك
لو قامت الساعه بناظر واحاتيك
مهما تباعد حبنا بالخير بطريك
وان طال صدك ظل قلبي يناديك
واني جيتني يصيح قلبي انا ابغيك
وارخي لمدك كل حبي شواطيك
اكذب على روحي اذا قلت ناسيك
انسى حياتي بس مانيب ناسيك
في ذمتي ان كنت زعلان برضيك
واقول لك امر يابعد مغليك
ولو تبي قربي والله لاجيك
واقول لك ياجعلني في يوم مابكيك
مهما غلطت انت المسامح شراويك
الطيب ساسك والوفاء من طباعيك
انظر قرارك وقلبي اليوم يرجيك
داعي عظيم الشان للقلب يبقيك
انا قضاي اموت واحيا واندفن فيك
واظل اذكر ماضي الوقت وابكيك
ان مر طيفي في خيالك وطاريك
اذكر سوابق ايامك ولياليك
احترت انا في خاطري ويش اهديك
لقيت قلب باع دنياه وشاريك
اخر كلامي ياعسى الاقي فيك
مكان للانسان اصبح مولع فيك
ان جيتني وان رحت ماني بناسيك
منك الحكم نرضاه لو كان يرضيك
في كل الاحوال داعي لك وبطريك
واقول لك ربي عسى الله يخليك
اختم كلامي ابغيك وابغيك وابغيك
لا يدفن القلب الذي بالحيل يغليك
.