أنـا الصديـق اذا دنيـاك والوقـت بك مال
أنـا يميـنـك شـدنـي فــي شمـالـك
يمنى بـلا يسـرى تـرى حالهـا حـال
انــا عـــزاك وعـزوتــك لا جـرالــك
من تاعس الدنيـا هواجيـس واهـوال
ماني مـن اللـي ل اغتنـى مـا وفالـك
لو لك عليه مـن الجمايـل والأفضـال
وماني صديقـك كـان وقتـك صفالـك
أنـا صديقـك لأدبـرت فيـك الاحــوال
خذني عصى موسى إذا كنـت هالـك
لمسحلك بحور القهـر قـول وافعـال
فالك عسى الله يسعـد اليـوم فالـك
فالك عقب صوم الدهـر عيـد شـوال
وبالك يجي فـي خاطـرك يـوم بالـك
انـك تغـيـب ولاتجيـلـي عـلـى بـال
لا .. لا تفكـر انـت فـي مثـل ذلــك
مستحيل اتخلـى لـو الزمـن طــال
مـا اقـول انـا ياعـم مـالـي ومـالـك
ماترخص العشـره ولا تغنـي امـوال
اسمع جوابي قبل ما اسمع سؤالـك
خارج حدود التغطيه وارسل ارسـال
علـى محيـط السالـفـه حــط دلالك
أجيـك رجلـي كـان مـا جيـت خيـال
انــا ليـاشـح الـزمـن فــي وصـالـك
تمدنـي النخـوه علـى وصلـك حبـال
انـا عـمـى عـيـن الـعـدو لا نـوالـك
انـول روحـه قبـل مـا روحـك تـنـال
بينك وبيـن الشمـس شجـرة ضلالـك
ماللشـجـر قيـمـه إذا مـالـه ضــلال
والليـل لــو اللـيـل مظـلـم وحـالـك
ترسمني الظلمى على صدره هـلال
وقفتي مع الخوي شرف لو يبعد اميال