ودامك نويت السفر بعطيك معلومه
تنفعك طول العمر فى كل سفراتك
خوة خوين تسر وتعجب علومه
ينصحك لاخطيت ويرفى كل خملاتك
لا قلت رجال .. رجل ومالى هدومه
على النقا خوته يصدق بهقواتك
كريم ويوقف بالنار لاجلك لو هي مضرومه
وان شرت يمشي حسب شورك ومشهاتك
وان بان وقت الشدايد بانت رسومه
يضيق من ضيقتك ويفرح بفرحاتك
نفسه عن المكر والسيات محشومه
ويبعد عن اللى يعلك لاجل راحاتك
وابعد عن اللى بوصفه كنه البومه
اللى تباشر ليا من شاف زلاتك
وادناة زله يعدك اكبر اخصومه
ولا اخطيت يجحد معاريفك ووقفاتك
ولاجل المصالح يبدل طيب سلومه
ويفرح بحزنك ويحزن فى مسراتك
نفسه رديه من الايمان محرومه
ولا يعينك على وردك وطاعاتك
واليا زهمته ابد ماتشيله عزومه
ويسم قلبك بروحاتك وجياتك
مسكين ما ينقل همومك ولاهمومه
اشلون ترضى بمثله عند رحلاتك
والمدح ماكل رجل يقدر يرومه
ياكود رجل يعجبك عند ضيقاتك ....