يا قديم الغوص في بحر الهوى
وش لقيت بغبة البحر الغزير
علم الي جس شطه وارتوى
ما بعد جرب طويله والقصير
قالوا انه من جميع امر حوى
فيه سر وفيه شر وفيه خير
واسمع انه من ركب موجه دوى
من فعل موجه غريقه يستجير
واسمع انه من لمس شطه غوى
ما يفرق بين بحره والغدير
واسمع انه من على تركه نوى
يجذبه سحره ويرجع له كسير
لو تجرح فيه قلبه واكتوى
ما يتوب ولا يريح ويستخير
وش جمع حلوه على مره سوا
هي حلاة الحب في الكأس المرير
رغبوني لين قلبي له هوى
وانذروني لين صدقت النذير
خوفوني منه والقلب التوى
راغب ومعيف والخايف يجير
هو صحيح ان الهوى ماله دوا
خبر الي جاك عاني يستشير
__________________
ياراعي الغر العذاب المباهيش
رش الكبود اليابسه من عطشهااااا
دنق علي وطمن الراس بشويش
واحي العروق الذابله وانتعشهااااااا