ياذا القمر قامت تغير مساريك
يا بطي مطلاعك وياسرع مسراك
طفت النجوم اللي من اول تباريك
ما شفت نجماً بان قبلك وخاواك
قبل امس اعد الك الليالي واراعيك
واليوم عني نازح البعد خفاك
يانجد جعل مروح الغيث يسقيك
يعل ريانك ويسقي ضماياك
يا نجد قلبي ينفعه يوم يطريك
الله يلوم اللي يلومه اللي اطراك
تو ما دريت انه يعزك ويغليك
قلباً تغذى من طعامك ومن ماك
العين في سود الليالي تناجيك
لو هي بلندن كنها اليوم بحماك
يانجد حبيناك من حب راعيك
اللي بناء مجدك وصانك وسواك
الامن والايمان مستوطناً فيك
فضل المليك اللي رضاء فيك ورضاك
كلام مشتاقً يبي شوف ارضيك
جنسيته تحمل فصيلة رعاياك
مهو كلام مخادعً دايم يسميك
باسماء تنافى مع حلاياك وسماك
بالشر يدعيلك وبالخير ناسيك
ما يدري ان اهلك تسلا بذ
لبيك يا داري من البعد لبيك
صرخة غريباً ما يصبر بلياك