شكلهم رجعوا ناموا يبغالكم
عصير زعزع
لا احد يطلع يقولي خيار بالحليب ههههههه
ما كنظنشي كاين شي حد جا لتطوان وما سمعشي ب زعزع أو كلاه او عنده فكرة عليه .
زعزع وصفة مشهورة بكثرة ف تطوان ، شهية ومغذية نقدرو نوظفوه ضمن لائحة العصائر او ضمن قائمة الديسير . وحيت كيعجب كلشي اليكم طريقة صنع زعزع
المقادير:
لافوكا
حليب
بنان مقطع دوائر
سكر او عسل
فراولة مقطعلة دوائر
زلافة فلان جاهز
الحامض للتزيين
لوز محمر ومهرمش للتزيين ....
طريقة التحضير:
في كويسات كنديرو 3 معالق فلان جاهز طبعا
كولشي كيعرف طريقة ديال فلان
ونضيفو ليه بنان مقطع ثم فراولة مقطعة ومن بعد كنضيفو العصير ديال لافوكة المطحونة بالحليب ومحليا بالسكر او العسل ومنسمة بشوية ديال الحامض ونزينوه من الفوق بشوية ديال اللوز مهرمش وكيتنكل بمعيلقات وشهية طيبة .....
وش راييكم بالعصير ...