ترانيم الصباح ..صباح الخير عليكم جميعا ...
نوصي فيك.......
الجرح من الأحباب واعر طبه
لكن جروح الكارهين شفا
والجرح من صاحب قريب تحبه
يطوال ما ينفع معاه دوا
و العبد ما يقدر يعاند ربه
هاللى خلق كل العبيد سواه
واللى ورد عالبير قالوا حبا
طامع وهو عطشان شربة ما
واللى تشكره يوعر عليك تسبه
واللى يكرهك يمنع عليك دوا
نوصيك ماتقعدش خلف الهبه
يجيك الضرر منها وماتدرا
وديما تمترس فوق راس التبه
وصفر سلاحك وأعرفه المدى
وأطلق نظر قدام به تتنبا
وأفطن ان جاك عدو من الورا
وراهى الذخيره ما تجى منكبه
وركب الحربه دوم ما تنسى
الجرح من الأحباب واعر طبه
لكن جروح الكارهين شفا
.