ما يمنع تمدح ولكن اذا كلمت مكتب تاجير سياره وحجزت ودفعت ووفر لك السياره الي طلبتها وعطيته حسابه بالكامل شنو الحكمه انك تكتب فيها اربع صفحات مدح وكل ما ينذكر اسمه تكتب فيه قصيدة ثناء وكانه عطاك السياره ببلاش لا ودفع لك مم جيبه او صاحب مكتب عقاري استاجرت شقه او فيلا وفر لك طلبك واخذ عمولته ليش تمدحه في المنتدي كانه سكنك في بيته ببلاش وسكن بالشارع ، انا هذا الي اقصده في المبالغه في المدح المشكله انه بعضهم يمدحون اشخاص صار منهم بعض الاخطاء والمشاكل ومع ذالك يمدحه ، اذكر قصه فيه شخص مدح احد المنتجعات في تقرير واثناء سرده للتقرير ذكر انه فيه طاوله كانت مكسوره قبلهم ومع ذالك غرموهم عليها بمبلغ كبير وتابع سرد التقرير وختمه بالشكر والمدح للمنتجع وذكر انه قدم هدايا لصاحب المنتجع ومدير المنتجع ، شخص مثل هذا شتقوله ناصبين عليه ومغرمينه علي شي ماله ذنب فيه وبمبلغ كبير مبالغ فيه ومع ذالك يمدح ويقدم هدايا لهم