عزيزي العضو قادمون :
فعلا احنا بالكويت عندنا مشكله ان ماعندنا طيران مباشر لكازا ... لكن معلومة ترانزيت كازا فيك فيك الا بحالة وحدة ... ان تنزل اسبانيا او فرنسا او بريطانيا و تاخذ طيران مباشر للمسيرة اكادير .... لكن تحتاج عالاقل ليله ترتاح فيها و خيار حيل صعب ... كنت دايم انزل في برشلونة و اجلس فيها خمس ايام و من بعد دايركت مراكش و التذكرة كانت 60 يورو من برشلونة لاكادير ...
الخيار الاخر عندك 5 شركات طيران ... القطرية المصرية التركية الاماراتية و الاتحاد
بالنسبة لوقت الوصول و السعر و قصر الترانزيت ... القطرية ارشحها بقوة
اذا كان عندك اغراض اكثر من 20 كيلو مثل معسل و شيشه و سماعه المصرية توفرلك 40 كيلو و خطها مريح لكن ارشح البزنس فيها و ارخص بزنس من بين شركات الطيران .
التركية خط سيرها مريح لكن كراسيها ماتقارن بالقطرية و تضل اسعارها مرتفعه دائما
الاماراتية و الاتحاد مشكلتهم يزيدون عليك المسافه لانك طالع من الكويت و على الاقل المسافه بتزيد ساعتين او ساعه و نص فالرحله راح تكون متعبه لكن الاتحاد يتميز برخص اسعارهم عن باقي الشركات .
نصيحه انزل مطار كازا و استمتع ب 4 ساعات بالطريق بالسيارة و اريح لك و بالرجعه انصحك ترجع كازا عن طريق مطار المسيرة
وبالتوفيق
__________________
The road never ends ... only our vision does