عرض مشاركة واحدة
Bandar303
مزعوط جديد
المشاركات: 6
تاريخ التسجيل: Jan 2014
Bandar303 غير متواجد حالياً  
قديم 2014-04-17, 01:57 PM
 
تقرير رحلة مراكش ابريل ٢٠١٤

مساء الخير لأحلى مزاعيط …
تقرير سفرتي لمراكش الحمراء
تاريخ الرحلة ٥ ابريل ٢٠١٤
تاريخ العودة ١٤ ابريل ٢٠١٤
الخطوط: طيران الامارات
خط السير : الدمام-دبي-كازا

بحكم اني اول مرة اسافر للمغرب …سالت وسالت وسالت لما تعبت واتعبت غيري..واتصلت على مكاتب وسماسره وكل يمدح مكانه
ويخوف من المكان الثاني ويقول العين عليه ودرك وغيره .ومثلكم عارف والعارف مايعرف..
وكان تجاوبهم معي بالاستفسارات غير جيد،،اللي مايرد واللي يقول كلمني بعدين،،واللي،، واللي ،،
ومن هنا احب اشكر الاخت شيخة المزايين على حسن تجاوبها على استفساراتي الممله،، ورحابة صدرها،،ومصداقيتها في التعامل
ووالله ماهو من باب التسويق ،،ولكن اقول ياصبرها علي،،: (1010):

اساله كثيره شائعه للكثير ،،خاصه اللي بيزور المغرب اول مره..:
لما اوصل المطار اصرف كم.. وهل يختلف سعر الصرف داخل المطار وخارجه ؟
صرفت ٢٠٠٠درهم ،، وكان الصرف يختلف من صراف لاخر داخل المطار…
اطلع بالقطار ولا التاكسي؟
وصولي كان الساعه ٣:٣٠ مساءا والقطار يمشي لمراكش ٣ يعني راح علي..يعني ياانتظر القطار الثاني او اركب تاكسي
..وكان الخيار الثاني وسعر المشوار ١٢٠٠ درهم.
اسكن وين ؟
على الرغم ان شيخة المزايين الله يعطيها الصحة ..ابلغتني ان خيارات السكن حسب طلبي ..وهي اربع شقق مختلفة المواقع
متوفره وجاهزه،،الا انني فضلت اسكن فندق اول يوم واشوف بنفسي قبل مااتورط بسكن غير مناسب وتضيع السفره بتنقلات
متعبه وممله على غير سنع،،،

اليوم الثاني:
بعد معاينة الشقق ،، تم اختيار شقة على طريق تاركا ،،من اروع مايمكن اثاث فندقي ،،وموقع،، وتجهيزات ،،نزلت العفش ورتبت اموري،،
وتوجهنا انا والسواق مرجان ،،،وقضيت لوازم العزبه…كل اللي تبيه من لوازم بتلقاه بمرجااان…يعني الوزن الزائد والعزبه اللي بتجيب قضيها من عندهم احسن الا الرز اذا كنت من اهل الكبسات،،،مع اني قاطعت الرز بهالسفره..
اكملت باقي اليوم راحة..وقلت اخذ الجوله اليوم الثالث…..

اليوم الثالث:
بحكم اني مدمن معسل جبت العزبه معي ومعسل ٢٥٠ غزام بس لان هذا المسموح به،، الا اذا زودت ومشت معك ،،يكون حظك حلو، تكاسلت اسوي الراس وقلت اشوف المقاهي ..وكان مقهى الف ليله وليله اول محطاتي،،ومانسيت اشوف المقاهي الباقيه،
مثل دبي، ولبنان…مع اني ماغيرت من الف ليله وليله..
بعدها ..وينك يادرب المحبه..نبي السهر،، وعلى الديوان وكان في وجهة نظري الافضل بعد مامسحت المنطقة ومريت وناسه و٥٥٥
والنرجس والياسمين..بس جو الديوان كان مميز..وللناس فيما يعشقون مذاهب..

اليوم الرابع :
استكشاف لمعالم مراكش :
توجهت لاوريكا وتغدينا الطاجن ،،وبعدها رجعت لاستكشاف باقي المعالم مثل ساحة الفنا،،جامع الكتيبة..

اليوم الخامس:

بدأ الملل يدب في نفسي خاصة اني وحداني..وكانت نصائح المزاعيط باغادير للي مسافر لحاله بمكانها الصحيح..
برنامجي مكرر…سهراتي وحيد..بعدها …اتخذت القرار …الرجوع .وتعديل الرحله..

اليوم السادس:
في الصباح بدري لميت العفش ياساده….وعلى محطة القطار..ووينك ياكازا …اقامة بفندق دي انفا ليله وثاني يوم المطار..
ووصلت بحفظ الله ورعايته….واول ماوصلت حجزت العيد على اغادير….

الانطباعات:
الرحله موفقه لو ان كان معي خوي شرواكم …تعامل الشارع المغربي ممتاز عكس ماقرات في بعض المنتديات ،ويمكن يعكس حالات خاصه…
مراكش كانت حاره مقارنه باجواء كازا …
رد مع اقتباس