تعال بإحساسك تراني بغيتك
وخذني أنا كلي على كيف ما جاك
وقف مع فكرك .. وفكر فديتك
لاحظ قدرنا نجتمع آنا وياك
هويت روحك بالغرام وهويتك
ما فيه روح" بالمخاليق تسواك
إن كان ودك في عذابي عطيتك
يفداك عمري قبله العين تفداك
و اقطع حشاي وعّلقه وسط بيتك
كل شي يهون وخاطري حيل يهواك
عذب على كيفك تراني شريتك
روحي وعمري فدوة" لك ولخطاك
بديت في حبك تقول إنتهيتك
كيف أنتهي وأنا أتشفق لـ ملقاك
يا ليتني كل ما بغيتك لقيتك
ويا ليتني أقدر أناظر مُحياك
بهديك روحي والعمر ما نسيتك
أنسى فؤادي يا حياتي ولا أنساك
ألامس أحلام الوفاء لا طريتك
وأسهر ألملم خافقي وأتّحراك
نام الحكي بأطراف جفني وجيتك
عجزت أعبر عن شعوري بليّاك
من البحر نسمة مشاعر هديتك
وشلون ما يهديك قلب" تمناك
ليتك تحس الشوق فيني يا ليتك
ليتك تلامس مبسمي يالغلا إن جاك
هذي الحقيقة قلتها لك فديتك
غير العمر وشهو بقى بس يفداك ؟؟