صباح الخير ياشباب
السفر مع رفقه طيبة شرواكم لها طعم خاص لو لحالك فيها مغامره وتهور ماتدري وش يحصل لك لاسمح الله عارض صحي او سرقه يكون على الاقل معك خوي باذن الله تستمع بسفرتك كانت للمغرب او اي دولة اخرى
وبالنسبة لمراكش الحمراء مدينة النخيل زرتها خمس مرات وبصراحه مدينة سياحية تعجبكم طبعا ساحة الفناء احسن مافيها العصير البرتقال لايفوتكم ههههه والباقي كله عرض ثعابين وكلام فاضي ....
اما ناحية اماكن الحلوه عندك جبال اوريكا حلوه بزاف وعندك المقاهي في شارع قليز بجوار ماكدونالد وكذلك اماكن السهر الليلة عندك النرجس والدايون اما الياسمين ما اعجبني ..........
اما السكن في كل سفره من سفراتي اكتشف اسرار السكن الي يعاني منها الشباب الخليجي سكنت في اول سفره لي في المغرب قبل ثلاث سنوات تقريبا في منتجع الدرقاوي الي يسمي بالنخيل بصراحه الموقع امان ولكن المشكله تقع في البوابين ومضايقات الزوار لك والضيوف هذي اول معانة وبعدها وانت عايش جو رومنسي وحلو يطق عليك الباب من قبل امن المنتجع يقول قصر على الموسيقى واساسا الصوت كان منخفض بس يبي احد يبخشش له
وبعدها جربت السكن في النخيل بلازا حلو وراقي بس يصلح لشخصين لان نظام المنتجع غرفتين وصاله ومطبخ وحمام ومروش الله يكرمكم
وبعدها جربنا السكن في شقق اسمها جاد سكن بصراحه ماوجدت الراحه فيها
وبعد سكنا في الروز قاردن منتجع في حي الفلاح بصراحه وبدون مجاملة من اروع المنتجعات في مراكش من ناحية التعامل والامن وخدمة تنظيف الغرف والمطعم الراقي طبعا اكلنا قليل من المطاعم عزبتنا مكمله واهمها رز ابو كاس ههههههه حسيت اني طولت مسكت فيكم خط اتشرف فيكم أي استفسار والا فزعه اخوكم القنصل السعودي بخدمتكم
التعديل الأخير تم بواسطة القنصل السعودي ; 2014-04-25 الساعة 04:28 AM