حاولت العوده عن طريق حجاج للشقه التي في شارع مولاي رشيد القريبه جدا من سوبرماركت اسيما الهجاجمه اسمها كذا ولكنه صرفني الظاهر ان الي فيها مدد او انه سلمها واحد ثاني بعده ولم اجد عنده الا شقه ثانيه غرفتين وصاله سوبر ديلوكس شفتها روعه 1600 درهم في شارع سقراط في المعاريف او انفا لاكن ياخي الي خوفني انها تبعد عن قسم الشرطه 5 دقايق مشي .اخر شي قررت اني اتركها وشافوني من جد بمشي قالو 1400 لك انت قلت 1200 .قالو كم يوم قلت 5 ايام والدفع يومي و100 درهم خلوها علي حق الشغاله من الصباح الى المساء .وكان باقي على قدوم الشباب من السعوديه 6 ايام بالضبط. قلت توكلنا على الله اقرب من الخوف وتامن وكانت روعه ولا احد يمك ولاشحاذين حول العماره ولامتطفلين ولاعيون عساسه الظاهر ان راعي العماره مدير قسم الشرطه الكل ينضر لي باحترام . لا امزح صاحب العماره مغربي عايش في مدينة الرباط وعنده عماره ثانيه على شارع الزرقطوني على اليسار قبل ماتوصل التوين سنتر .صدفه لقيت سوق قريب مني 10 دقايق مشي خضار فاكهه لحم سمك بقاله كل شي . اخذت لزومي واغراضي وتكسي والشقه ورتبت اغراضي ونمت نمت نمت .لقيت اتصال من حجاج متصل يقول الاخ الي في شقتك الاوله يقول انك ناسي مكينة حلاقه صحيح ماركة براون شاريها 400 ريال . لقيت نفسي شبعان نوم اخذت تكسي وقلت للشغاله انا راجع للغدا طبعا فطرتني سمينات وعسل وزيت وزيتون وشاهي سعودي محكور مع الحبق والنعناع بلا اتاي مغربي بلا هم. الى متى نضحك ونجامل.امزح امزح