اقتباس:
المشاركة الأصلية كتبت بواسطة قرط حنا
خلوكم من المطبق وشوفوا هرجتي
المصريين عندهم مثل يقول : الناس خيبتهم السبت والأحد وأنا خيبتي ماوردت على أحد
في سفرتي الأخيرة لمراكش بحثت عن طباخة طباخة قبل السفر وماتسهلت الأمور ، وحكيت للشغالة في اليوم الأول إذا تعرف طباخة ممتازة ، قالت متعجبة أنا طباخة محترفة ، قلت في نفسي جاك الفرج ياقرط من أوسع الأبواب ، قلت لها تم ، بكرة الصباح على السوق إشتري كل اللي تحتاجينه ولا تبخلين علينا بشيئ ، أنا أصلاً كان ضاربني الجوع ، وصحيت قبل الظهر إلا واللحم والدجاج والعلوم الطيبة قدامي ، قلت لها كيفك مع الإفتتاحية قالت أي إفتتاحية قلت لها الكبسة ، قالت بكلام الواثقة أنت تحكم بنفسك ، قلت في نفسي يا لبى قلبك ، والله يا أنا بأكل كبسة اليوم ، ويوم جهز الغداء ومع أول لقمة تذكرت سمير غانم في مسرحية المتزوجون مع الفرخة والملوخية ، وعلشان أكمل الغداء كان لازم أربط راسي بعصابة ، قلت لها من بكرة طواجن ولا عاد تجيبين طاري الكبسة ، لكن اليوم الثاني ماقدرت أصبر قلت جهزي الأغراض وأنا بطبخ كبسة ، وفعلاً طبخت أحلى كبسة بشهادتها ، وطلبت مني أعلمها كيف درتها
والله كان في نفسها مسكينة موضوع الكبسة ولاحظت عليها هذا الشيئ ، قلت لها شوفي يابنت الناس ، العرب عندهم بيت شعر يقول إما حياة تسر الصديق وإما ممات يغيض العدى ، بكره ديري لي كبسة لكن إتقي الله فيني ، وفعلاً والله عملت كبسة لذيذة جداً جداً لدرجة أذهلتني .
الزبدة الأكل أذواق ، لكن صحن رز مع حبة دجاج بــ 300 درهم !!! والله لو إن حبة الرز كبر راسيي !!!
هههههههههههه عجبتني والله لو لحبه بكبر راسي
فديت راسك بس
ههههههههههه ان لكبسه علمتني ياها عجوز بسعوديه الله يبارك بعمرها وعلمتني المندي وبرياني ومكبوس حتى لمقلوبه جريش ولمطبك وغوزي لحم يارب ويحفضها ويسر لها يارب ويكتب لها لجنه فعلا ما قصرت علمتني كل الاكل وكل شي جايز ولي مو جايز والله كانت لي ام واحتوتني وما قصرت فديتها وعلمتنيلبس عبايه راس
كنت امشي واتكعبل على وجهي كان عمري صغير لسه موعارفه كل شي بس لي حاب شي يتعلم ويفهم بسرعه
لمطعم مبالغ بسعر كثير
على قولتك لو حبة رز كبر راسك هههههه
حتى مطعم ازار مبالغ فيه كثير الان في مطاعم برياضات روعه بس المقبلات يمكن شي ١٢ صحن بعدها طنجيه لحم وطاجين دجاج وطعام روعه وبعدها حلا يعملو بسطيله حتليه وكعب الغزال
بس مشكلتها تكون وسط الاحياء شعبيه رغم انها من داخل راقيه كثير كثير